اقتباس:
طيب الخطوات الي المفروض اسويها وتكون جاهزة قبل التقديم للابتعاث :
شهادتي مترجمة ..
الجواز جاهز
أجيب 5 توصيات .. طيب كيف شكل التوصية وهل لازم من دكتورات ؟
وبالنسبة لي سألت كدا مرة بس بتأكد لأني أخاف اتورط .. دحين أنا تخصصي دراسات الطفولة طبعا مو مطلوب من ضمن التخصص فكثير بقرأ في النت انهم يقولوا قدمي على تسويق وحولي على التخصص الي تبغيه ..
السؤال هذه الحركة محاتسوي لي مشاكل ؟ يعني عادي أحول .. وناوية ادرس امتداد لتخصصي بس اخذ اللغة أول ..
وبالنسبة للدولة كيف احدد اي الانسب ابغى الامان وتقبلهم للحجاب والدراسة ممتازة واتكون مرة غالية ايش اختار ؟امريكا ولا كندا ولابريطانيا .. مع اني قرأت انو كندا القبول في جامعاتها للماستر صعب ؟
أتمنى من عنده خبرة وجرب الابتعاث يجاوبنا ..
|
الأوراق : الوثيقه + السجل الأكاديمي + التوصيات + جواز السفر + صك الولايه إدا كان مرافقك أخوكِ
طبعاً في مرحلة التدقيق راح تحتاجيها كلها ماعدا التوصيات حتحتاجيها بس في مراسلة الجامعات ..
التوصيات على حسب كل جامعه تختلف عن الأخرى , إنتِ روحي لـ سكرتيرة قسمك و أسأليها , و لازم تكون بِ الإنجليزي ..
إيوـآ عادي تحولي بدون أي مشاكل إن شاء الله , بس شرط مايكون قبولك مشروط .. يكون قبول لغه عادي ..
بِ النسبه لـ المدن إنتِ أبحثي عن الجامعات القويه في تخصصك دا أهم شي , بعد كدا ركزي في الأشياء الفرعيه ..
بس من معلوماتي بريطانيا معروفه مره غاليه رغم إنو تدريسها مره ممتاز ..
كندا صح قبولات الماستر جداً صعبه فيها , كثيرين إللي سافروا كندا ورجعوا بس بِ لغه !
أمريكا خيار جيد السبب إنو فيها عدد من الجامعات العريقه و المصنفه كَ أفضل جامعات على مستوى العالم , غير كدا قبولاتهم سهله .. و كمان فيها عدد كبير من الولايات المختلفه فَ تقدري تبحثي فيها براحتك عن إللي يناسبك ..
الله يوفقك ..