السلامعليكم ورحمة الله وبركاته
انا قبل كم فترة نزلت انا موضوع عن الدورة هذه
https://www.btalah.com/t499645.html
طبعا كانت المكافاه فيها 2000 ريال وزادوا عليها ان المواصلات عليهم بالاضافه الى ان راتب الضمان ماراح ينقطع طبعا هذا الشي كان البرنامج هذا خصيصا لبنات ام الساهك طبعا صديقتي كانت من ضمن البنات اللي قدموا على هذا البرنامج وبعد فترة اللي هي قبل اسبوعين تقريبا قالو لهم تعالوا نوقع العقود راحت البنت ومعاها 15 بنت اللي كانو منضمين لهذا البرنامج تفاجئوا بالاتي
1- ان الدوره بدل السنه الكامله اصبحت 8شهور
2-المكافاه اللي المفروض 2000 صارت وللاسف 800
3-ان المواصلات راح تكون على بنات الضمان
4- ان راتب الضمان بينقطع
وضلوا يضيفون ان المواصلات راح تكون علييهم وشوي يقولون على البنات ومره بينقطع الضمان ومره لا و التوظيف بعد البرنامج مو اكيد انه راح يكون في المركز ربما يكون في المجمعات او غيره من مجالات العمل
طبعا انصدموا البنات رغم انهم كانوا متفائلين خير في البرنامج معاش الضمان الكل يعرفه انه مايكفي فكيف اذا انقطع والبنات يدرسون ثانيا المواصلات كانت الصدمه الغير متوقعه لهم ان ام الساهك بعيده كثير عن الظهران حي الدانه يعني تكلفة السواق من ام الساهك الى الظهران 150 ريال فكيف لو دفعت البنت في اليوم 150 لما اعرفوا البنات بالتغيرات اللي صارت انسحبوا كلهم تقريبا ما عدا 1 وسبب انسحاب البنات خافوا انهم يغيرون كلامهم لانهم كل شوي يطلعون براي ويقولون لا مكافاه ولا مواصلات