شباب لفت انتباهي موضوع الاخ عاطل جدا
اللي تذمر فيه من اسلوب مشاركات الاعضاء في التجمعات العسكرية
الموضوع هذا
https://www.btalah.com/t515719.html
لكنه مقفل الحين


وانا بصراحه مؤيد له بنقطه ومعارض له بنقطه
مؤيد له بسبب ان تفوتني اخبار مهمة وأسئلة مهمة أيضا بشكل شبه يومي وهذا يرجع لكثرة الصفحات وكثرة الردود وصدقوني مافي انسان مهما كان عاطل او غيره يقرا كل صغيره وكبيره ولو يقرا يوم يومين بعدها ينتهي الحماس ولا عاد يقرا شي والله احيانا يصدع راسي وعيوني تتعب بسبب قراءة كل مشاركة وكل حرف بالنهاية مافي شي مفيد وهذا مايدل اني ابغى الناس كلها نفس اسئلتي لا بالعكس اللي يسأل فهو حر لكن اللي يشارك بقصد تضييع الوقت والتسلية "وهذا يحق له برضو والمنتدى هو اللي معطيه هالحق" لكن نظرا للذوق العام احس انها صعبة.

ومعارض له بفكرة اني افتح موضوع و أمر فيه الأعضاء بانهم يتركون هالاسلوب باسلوب في أمر أكثر من انه نصيحه أو طلب وهذا خطأ كبير لأن الله عز وجل أمرنا بالاحسان في أي شيء حتى الأمر بالمعروف لابد يكون بالاحسان
لاحظوا كلام الله عز وجل في كيفية وعظ الناس ( ادْعُ إِلَى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُمْ بِالَّتِي هِيَ أَحْسَنُ إِنَّ رَبَّكَ هُوَ أَعْلَمُ بِمَنْ ضَلَّ عَنْ سَبِيلِهِ وَهُوَ أَعْلَمُ بِالْمُهْتَدِينَ)