مشكلتك جدا بسيطه
افادوك الاخوان اللي فوق ولكن انا عرفت عمق مشكلتك وخلني اعطيك الحلول بالترتيب وانت راح تعرف انها بتفيدك بناءا ع ماقريته وعرفت عن شخصيتك بالموضوع ..

1- لاتفوتك ولا صلاة بالمسجد مع الجماعة ( هذا علاج من الدين وليش اشتراط الجماعه؟ عشان مايجي الواحد اللي جاك لازم يختلط بالناس وافضل انواع الاختلاط هي الاختلاط من اجل طاعة الله )

2- اترك الشك والظن بالناس وعامل الناس كلن على قد عقله لاتحاول تغير مبادئ الشخص الاخر عشان يمشي مع مبادئك حاول تعطيه ع قد عقله وماشيه بهواه ولو انك تعرف انه غلطان 100%

3- خصص لك ساعتين يوميا للسوالف المباشرة فقط .. يعني تسولف مع امك مع ابوك مع جارك مع أي احد .. سوالف وجه لوجه

4- ابتعد عن اللابتوب + البلاكبيري + الجلكسي هذي كلها تخفف من اختلاطك المباشر بالناس وتعزز من توحدك وانطوائيتك حاول تخصص لك وقت تستخدمه فيها يوميا من المغرب مثلا الى العشاء مثلا فقط كل ماخففت من استخدامها كل ماتحسنت اكثر

5- حاول تكون طبيعي وثق بنفسك واقرأ بقوة الشخصيه .. وركز معي ( قوي الشخصيه لو كان كله عيوب تحصله مايهتم لو كان كل مايفعله خطأ تحصله مايهتم لانه قوي شخصيه مافكر بالناس وكلامها .. انت خلك قوي شخصيه )

6- ابتعد عن نقاش الامور الجاده والرسميه حاول تبتسم مع اللي تسولف معه عشان ماينفر منك .. حاول تضحك معه لو قال سالفه عطه جوه ومشها له باختصار ( التسليك يحبب الاخر لك كثير ) سلك قدر ماتقدر للي يسولف معك صدقني راح يحبك ع طول ويتمناك معه ع طول ..

دعواتك لي بالوظيفه عاجلا والرزق ياغالي