اختي مافيه انسان انولد مدرك كل شئ..
انما العلم بالتعلم..
السيارة حلم كل طموحه .. وتريد تحقق ذاتها بس محال في ظل وجودك في مجتمع ذكوري..
بس حاولي تكونين علاقة صداقة مع واحد من اخوانك..وتكونين قريبه منهم..
مشكلة في كثير من البيوت البنت صوب والشاب صوب..

اذا اخوانك مو من هذا النوع..
شوفي شخصية ابوك..ايش هي من الشخصيات.. حاولي تكلمية بالطريقة اللي تناسبه.. كل رجال له مفتاح لشخصيته..
اذا لقيته ملكتي الرجال..
لانه بالنهاية هو انسان..
تقولين ما ادري.. اقولك النت موجود.. وفيه مواقع استشارات.. دخلي وسئلي مختصين.
. وكيف طريقة التفاهم..واكرر مختصين..

لانه ممكن وحده تعطيك طريقتها.. وتكون ما تناسب شخصية ابوك...
او حاولي توصلين لنقطة وسط.. وهي ليموزين.. بالتفاهم..



بالنسبة لك تخلين امك واختك تتصل..
لا اختي انتي موطفلة.. ولا بنت فيك عاهه..
بالعكس بنت متفوقه جدا في دراستك..
الخجل مشكلة مو بس انتي تعانين منها..
كل بنت حديثة التخرج.. كذا تكون..بس مو معقوله توقف نفسها وتردد انا ما اعرف..
وتخلي الغير يخدمها..
اكتبي بورقة ايش تبغين.. تخيلي حالك.. شنو بتقولين ..
وادخلي النت موجود ارقام المدارس الاهلية.. في دليل المدارس..
واتصلي عليها..
اللي ترد حرمه مو رجال..
يمكن اول مدرسة تتصلين ترتبكين.
وهذ طبيعي.. بس انتي قدامك ورقه.. مكتوب فيها ..

اسمك الرباعي.. رقم جوالك.. وتلفون البيت.. شهاداتك.. تقديرك نسبتك..

لانه بكرا اختي تطلعين على مجتمع العمل..وهو اكبر من حدود الدراسة..
تلاقين شخصيات وشخصيات..

بالنسبة للوظائف الحكومية صعبه.. يلزم كثير منها شهادات خبره..فهمي اهلك كذا..
واذا جاتك فرصة ماجستير خير وبركه..وافضل لك..