اقتباس: المشاركة الأصلية كتبت بواسطة ع ـتيبي لا اجل انتم مرتاحين ما الومكم والله الف مبروك التخرج من 45 وعقبال الـ 9 شهور وان شاء الله نقابلك بمهمة رمضان ،،، الله يبارك فيك بشرنا عنك وش مسوي ووش صار معك ان شاء الله امورك طيبه ... وذي لا توصي فيها طول الـ 45 ما قعدت إلا لـ 2 وصل غلطهم علينا وعلى الاهل والله نصيد دخان وجوالات لكن نستر عليهم ونوصيهم ما يطلعونه قدام احد وتعرف الـ 45 ضغط نفسي وما ودنا نزيد على احد ،،، بعد الاجازة ما فيه جزاء الا تغيير تخصص وحبس خميس وجمعه الله يعين المبزوطين هاه جاء فارس الثاني إسأل عن المدرب عبدالله الاكلبي واسأل عن الدورات اللي راحت وشوف وش يقولون ، يا رجال ما يسمع بصف ضابط يطلعهم قياديين ومتوعدنا بعد الاجازة هروله على المدينه كامله واللي يوقف حبس خميس وجمعه ،، وجانا بعد بداية الدورة بأربع اسابيع ويشكلنا بالميدان وقال معقوله 2500 طالب ما يدخنون ولا معهم جوالات ومنضبطين لأننا كنا نغطي ولا نسوي شيء قام يهدد ويتوعد وعاد كل شيء الا عبدالله الأكلبي ، جزاء على غلطه ياخذ شهور مو يوم خخخخخخ وحنا ما طلبناها جانا الرائد وقال انتم اعلى رتبه بالدورة ودورتكم عبارة عن ادارة افراد علشان كذا انتم صف ضباط الدورة ذي رفع تكميل وتشكيل الطلبه وعارفين باقي شغلهم وقسمونا رقباء فصايل ورقباء سكن وخفارات ورقباء مسجد وشغالين وبيني وبينك فيه طلبه رجال يستحوون على وجيههم وما يحرجونا وفيه طلبه الله لا يوريك ماخذها بقلة حيا وتوصل أنه يسب هذا وش تسوي فيه لأن المدربين ان شافوا ملاحظه بفصيل او بسكن او بمسجد يبلغون مدربنا والمدرب ما يرحم في حال الخطأ وما فيه الا جزاء والله ما لها داعي اتجازى بسبب غيري والا لا !! وانا والله ما احاسب على طول والله اني اعديها الاولى والثانيه والثالثه الله يبارك فيك والله سمعنا كلام نهاية شهر رمضان الف الف الف مبروووك التخرج وعقبال الـ 9 اشهر وبيني وبينك خلاص الدورة راحت الله يسرها للجميع ان شاء الله الوعد في الحج نتقابل
