اقتباس:
المشاركة الأصلية كتبت بواسطة سسلطآن زمآني
اخبارك اخوي انا طالب خريج هذا الترم الثاني تخصصي تمريض عام و ابدى لامتياز بعد عيد الفطر المبارك وانتهي بعد عيد الفطر القادم فا هل يضر التقديم السنة القادمة واقولهم بعد العيد انتهي من لامتياز واعطيهم افادة للامتياز خلال التقديم ان تبقى لدي شهر او شهرين ..
- اغلب التعين للتخصص التمريض أي يكون بالخدمات الطبية مستشفيات ولا العيادات الي داخل الكتائب او وين بالتحديد ؟
- كم راتب الملازم اول اخصائي تمريض عام ؟
- السنة الميدانية بعد التخرج للتخصص تمريض اجبارية ، وهي ترى الي خلتني اميل للحرس و لامنية اكثر ، لان قههر يعطونك مكافاة بعكس اخوياك بالامنية و الحرس بعد التخرج ينزل له رااتب ؟
- واي معلومات تنصحني فيها بالدفااع ياليت تفيدني ؟
( واعذرني اذا اطلت عليك بالاسئلة )
|
شوف أخوي إذا كانت معاك شهادة الامتياز تمشي بإذن الله لكن بدون شهادة الامتياز ما ادري هل يمشوها لك ولا ، وبالنسبة لتخصص تمريض تتعين في مستشفى او موستوصف لكن غالبا مستشفى والراتب حسب التخصص ومكان المستشفي لان فيها البدلات تختلف من مكان إلى اخر اقصد بدل إرهاب وبدل ميدان هذي بالمناطق الحدودية تأخذها في المستشفيات الكبيرة زي الرياض جدة ما تأخذها لكن الراتب من 14 ل 16 ألف
السنة الميدانية مالها اي علاقة بالراتب
معليش مين قالك ان الأمنية والحرس ينزل رواتبهم بعد التخرج كل الكليات العسكرية ينزل قرار تعيينها مع بعض ان لم يسبقهم الدفاع القرار ينزل غالبا نهاية السنة ويصرف لك اثر رجعي بالفروقات من تاريخ التخرج لين القرار
وبعدين أخوي كلها خدمة للوطن وشرف سواء أمنية ولاحرس ولا دفاع لكن احب أقلك الدفاع يتميز باللبعثات جيب قبول واطلع ويكفيك انك تعلق الرتبة من بعد التخرج بعكس الأمنية لين ينزل قرارك تعلقها
وكل واحد وحدته خدمات لازم يأخذ سنة ميدانية بمستشفى تري لأيغرك اسم ميدانية وفي ناس جاتهم الرياض والشرقية
وإذا عندك اي سؤال انا حاضر .. بالتوفيق ...