السلام عليكم اول شي حاب اقول الله يوفقكم وتنقبلوا جميعكم في الكلية
الشي الثاني شفت كثير منكم مرتبك من اختبارات القبول الى هي بعد القبول المبدئي اللياقة والكشف الطبي والاختبار التحريري السنة قبل الماضية كنت مثلكم حاب اعرف كل شي ومرتبك
انا راح اقول لكم كل خطوات القبول بالتفصيل
اول شي بعد مايطلع اسمك في القبول المبدئي يعطونك موعد محدد وتروح لهم تنتظر عند البوابة من الفجر بعد صلاة الفجر يدخلونكم على المسرح بالترتيب طبعا كن الاول في الصف عشان تخلص بدري تروح تريح بالبيت قبل اختبار اللياقة بالعصر المهم بعد ما تدخلوا المسرح راح يبدوا في تدقيق اوراقك اذا كاملة تدخل على المقابلة الشخصية ويكون فيها عقيد ودكتور في الغالب ويسالونك اسئلة سهلة بس اهم شي تكون واثق من نفسك وبعد ماتخلص منهم تطلع على الصالة الرياضية فيها اختبار الطول والوزن بس بعدين يقولوا لك العصر تكون موجود عند البوابة وتكون لابس اللبس الرياضي والبوت اهم شي بعد العصر يدخلونكم المسرح مرة ثانية اختبار سهل اسئلة عامة ماهي عاصمة مصر وزي كذا......
بعد ما تخلصون تروحوا على الصالة الرياضية فيها اختبار البشم والبطن طبعا في مدربين متساهلين على الاخر مولازم تسوي بشم صحيح كان عندي مدرب اسوي وحدة ويحسب اربع خخخ طبعا يبغوا 30 في دقيقة وحدة بس سهلة بعدها تروحوا على المضمار الرياضي لفتبن 800 متر في ثلاث دقايق سهلة تقدر تجيبها بالراحة بس اهم شي لاتشد من البداية وتروح فيها اذا خلصت تقريبا على العشاء يقولوا لك بكرة الفجر تكون موجود باللبس الرياضي بس بدون بوت وبعد الفجر ياخذونكم على باصات الى مستشفى الكلية وهناك تكونوا على مجموعات تدخلوا على 11 عيادة الباطنية والقلب والعمليات والنظر ولااذن والانف والحنجرة والنفسية ......الى اخره
وتخلصوا تقريبا على العصر وبكذا انتهت مراحل القبول ويبدا شغل الواسطات
واي استفسار انا حاضر