السلام عليكم ورحمه الله وبركاته
كل عام وانتم بخير بمناسبة رمضان
.
.
تعالوا اقولكم قصتي مع التقديم
بالبداية
انا توني متخرج مالي الا شهر وشوي
فيعني لي الحين مابعد اصير عاطل عاطل
و على قوله ناصر القصبي
الي عنده شهاداتي و
الشركات تدوره .. مايسمونه عاطل
المهم
بصراحة قبل ماابدا التقديم والتدوير عن احلام المستقبل
ما كنت حاط ببالي ابدن ان حكايه البطاله في السعودية
جد
كل الفكره الي ببالي كانت
( الشاب السعودي شخص كسول غير مثقف وعشان كذا عاطل )
هو اول ما تخرجت
اعتبرت نفسي شخص
عصامي
وقلت هالوظيفة ابجيبها بدون واسطة و
يا كثرها
أنا أقدم على كل الشركات عن طريق الفاكس
وأحب اقولكم اني ارسلت اوراقي لأكثر من 1500 شركة خلال مايقارب الشهر
- كل يوم لي جلسه على الفاكس ماغير ارسل
.
.
ولكن..
حصلت ثلاث شركات ردوا علي بعد التقديم
وهم الـDHL
وشركة نسيت اسمها
وشركة بالرياض اظن المعجل كانت
المهم
الدي اتش ال رفضت الوظيفه بسبب انها وظيفه ثانوية، وليس جامعي
والي نسيت اسمهم نفس الحكايه
اما الي بالرياض، الراتب ضعيف مقارنه بانها بعيده عني وانا من سكان الخبر
المهم ..
بعد تقحيص وتمحيص وبحث وتبحيث
والي ابقوله للي مثلي للحين ينادي بالعصامية
اكتشفت ان الي ماعنده واسطه
يعتبر شخص زائد عن الحياه، ويروح ينتحر احسن له
مالت عليهم
.
.
دبروا نفسكم بواسطة
واسطه وحده أحسن من 1000 تقديم
كتبت هذا المقال يوم 7 من شهر سبتمبر عام 2008