دربي طويل وتايه فيــــه ممشــــاي

مثل الغــــريب اللي مضيـــــع دليلـه



يحـــدني وقتـي على ضيــــم دنيـاي

ورضيت بالـمــقســـــوم حتـى قليلـه



ياطــــول صبــري وآآه ياكبـــر بلـواي

اخفي عن العدوان همـــي واشيلـه



اخاف ابوح بســـــد قلبي وشكــواي

وتصيـــر نفسـي بيـن ربعــي ذليـلـه



اضحك ودايم بسمتي تسكن اشفاي

ومن شاف حالي قـــــال مااحد مثيله



وانا بجـــــوفي هــــم والنار باحشـاي

والجـــرح ينــــزف والليــالـي طــويلـه



والعمــر يمضي بــي وحـاير بمسعاي

محـــروم مــن طعــــم الحيـاة الجميله



الياس حـل ومــاتـت اليــــوم رجــــواي

ولاعـــاد لي غيـــر الصبــر مـن وسيله




ياحظـــــي البـايـــرتعـــثربــك اخطـاي

ياحيــلـة الله مابقــــي فــــي حيــلـــه



يالله ياعـــالــــم بســـري ونـجــــــــواي

تـزيل عـــن قلبـي هــــمــــوم ثـقــيله