اقتباس: المشاركة الأصلية كتبت بواسطة نجمة التحدي والله انك صادقة هذا الي مخليني ماأقدر أتخذ قرار شاورت الاهل كلهم وكل واحد يبدي لى برائه من جهة وهذا شتتني أكثر الي مطميني انه ماراح يصير الا الي ربي كاتبه..........,أنا من خريجات السنة الماضية اول سنة باللغة الانجليزية وأول سنة فيزياء في الكليةوبالنسبة لنماذج باقي والله ماطبعتها وقالوا لي تعالي 24/ 8 وللأسف ماأعرف ولاوحدة سبق وابتعثت لكن أسأل الله أنها تتيسر بتيسير من عنده.......أنتي من خريجات أي سنة؟وهل أنتي من جازان؟ هذا مستقبلك استخيري قبل كل شيء وربك بييسرلك الخير كله بإذنه ولاتسمعي للاراء المحطمه وش يدريهم عن المستقبل ...؟ التوفيق اولا واخيرا بيد الله ثم ابدأي بتجهيز الاوراق ترى شغلتها شغله اذا تيسرت خير وبركه واذا تعقدت ربك مااراد .... وكل بدايه لازم تكون صعبه بقولك الاوراق المطلوبه عشان تحسي ان الوقت مايساعد ويالله تلحقي هالاسبوع والجاي تخلصيها 1. بطاقه احوال لك وللمرافق مع الصور ( اذا ماعندك بطاقه احوال بكره اقرب فرع وخبريهم بوضعك يطلعوها خلال اسبوع ) 2. جواز لك وللمرافق مع الصور (الجواز يصدر في نفس اليوم يعني سهل ) 3. النماذج اللي في موقعهم النماذج عباره عن - طلب ضمان مالي يوقع من الكليه (اهم شي ) - اوراق اخرى تتوقع من الكليه -تعهد من البنك فيه الايبان -اوراق توقعينها انتي -اوراق يوقعها المرافق -اوراق يوقعها ولي امرك ابوك او زوجك اذا متزوجه - اوراق تختم من عمده الحي او شيخ القبيله وكلها تاخذ وقت انا لسى مارحت للكليه ونعم من خريجات جامعه جازان ومن المنطقه انصحك تقري في النت وابحثي كثيييييير عن الابتعاث وعن الدول المتاحه امريكا وكندا وعن الجامعات كندا من بحثي يقولون القبول بها صعب جدا للماجستير لان جامعاتها قليل امريكا بلد السعوديين فيها ولايات تقلبين حجر تلقين سعودي ان شاء الله الامور طيبه ويكفي انك ترجعي وظيفتك موجوده وممكن تصيري محاضره قد الدنيا ماابيك تندمي انك ضيعتي شي كان بيدك الا اذا ظروفك ماتسمح واسأل الله ان يوفقك لكل خير