الحمدلله يا شباب على كل حال

اتذكر قصة صارت لي اتمنى تستفيدوا منها مثل ما انا استفدت
كنت مسوي مقابلة في جامعة البترول بعد اجتياز اختبار الجامعة لوظيفة محضر مختبر
وكنت تعبان كثير من الشركة وابغي اي فرصة عشان اتركهم
دخلت القاعة اللي يعمل فيها المقابلات وكان فيه 11 شخص على طاولة للاجتماعات وجميعهم في جانب واحد وكان معهم عميد شؤون الموظفين ، سألني عن شنو عملت في مجال التخصص من تخرجت الى اليوم ؟؟
جاوبت عليه ان شغلي في مجال الاشعاع وعلمته عن طبيعة عملي والمميزات والسلبيات
سألني ليش ما اخترت التعليم وجاوبت اني لم اجتز الاختبار
بعدها كانت الصدمة قام يصرخ ويقول انت راسب في اختبار الكفايات وجاي هنا تقدم
قالي اتعب على نفسك اكثر عشان تحصل الافضل وبلغني اني مرفوض من الآن وقال بالحرف الواحد
اتعبت على نفسك وانجح في اختبار الكفايات واذا ما اخذوك التعليم تعال الجامعة اعتبر نفسك موظف فيها وراح ارشحك لوظيفة بدون مسابقة

الحمدلله كان كلامه دافع لي لإجتياز الاختبار

لذلك يا شباب درسوا الدبلوم التربوي لان في فيزيائيين درسوا الدبلوم هذي السنة وما استلموا الشهادات
يعني فرصتهم راح تكون السنة القادمة وماتدرون عن اللي يتخرجون خلال الفترة القادمة وتكون معدلاتهم قوية ويأخذون فرصتكم
نصيحة يا اخوان لا يفوتكم عشان ما تضيع سنين من عمركم تنتظرون التعيين