اقتباس:
المشاركة الأصلية كتبت بواسطة طالب علمي
السلااام عليكم اخوي الغالي وسيم
اول شئ يعطيك الف عافيه يالغالي
بس حبيت اسألك لو كيف نضام التدريس او وين تدرس .؟
المكافئات كيف .؟ وبعد التدريب الرواتب كم تتوقع
وهل فيه شهاده للدراسه ولا ؟
انا سجلت وطلع لي ذا الموعد بس ماعرفت فين
Al-Nakheel Hall Bldg.207 Saudi Aramco Complex Prince Muta’ab Street (Arbeen St.) on Sunday, July 07, 2013 at 7:00 AM
والله يعطيك العافيه مره ثانيه
|
هلا والله, شوف نظام التدريس جداً ممتاز وقريب من الثانوي
اول شيء المدرسين على اعلى مستوى (الغالبية من امريكا وبريطانيا)
بناء على اختبار القبول راح يتم تحديد مستواك باللغة وراح يحطوك في المستوى المخصص لك
نادراً ما يكون فيه احد ليفل1 , الغالب يحطوهم في ليفل 2 و3 و4 , اكثر شيء تقدر تبدا فيه هو 4
فيه قسمين , اكاديمي- جوب سكيلز , في البداية راح يكون 8 ساعات اكاديمك(انجليزي ورياضيات) بعد ماتخلص ليفل 4 , راح تسير 4 ساعات اكاديمك و4 ساعات جوب سكيلز
المستويات لها اقسام , A و B , احنا دفعتنا دخلنا على ليفل 4E لاحظ (E) يعني مافي لا A ولاB
خلصنا 4 ورحنا ليفل 5A وخلصناه والحين شوية ونخلص B , بعدين راح يكون 8 ساعات كاملة للجوب سكيلز (التخصص)
----
المكافئة 2730 صافي (مخصوم منها التأمينات) راتبك بعد التخرج اذا كنت قريد 7 راح تستلم اساسي 5250 ريال واخصم منها 9% تأمينات , راح يصفى لك تقريباً 4950 كذا , هذا الاساسي بس , مع البدلات يوصل راتبك إلى الحد الأقصى في شيبة مثلاً 13000 ريال وهو الحد الأعلى لـ قريد 7 وكل ماترقيت زاد راتبك الاساسي وزاد الحد حق راتبك
على رأس العمل فيه تقييم للموظفين , الحاصل على تقييم S وهو اعلى شيء تجيه علاوة في راتبه توصل فوق الألف ريال وياخذ قريد ,
حلوة ارامكو ترا وجميلة ولاتفكر فيها اول ماتدخلها فكرة بعد 5 سنوات , راح تكون متدلع دلع
كل سنة راح تستلم بدل سكن (3 رواتب) بـما يعادل 15 الف تقريباً (للموظفين فقط)
واذا كنت متزوج يعطوك 25 الف اعتقد هذا غير التامين الطبي لك ولـ لعائلتك
فيه باص يوديك ويجيبك من الدمام الى راس تنورة وفيه اكثر من باص
اذا صار مكان تدريبك في الرياض راح يصرف لك بدل سكن (مجزي) لان مافي سكن في الرياض لـ ارامكو
اما اذا حطوك في الظهران او راس تنورة راح يتوفر لك سكن اذا كنت من خارج الدمام (ابعد من 50 كيلو)
نقطة مهمة : للشباب اللي معاهم سيارات نصيحة لاحد يسجل ان معاه سيارة لان اذا رحت تستلم الملابس وكذا بيوقعونك على ورقة , قلهم مامعاك سيارة ابداً
لان اللي صاير الحين انه للطلاب اللي يملكون سيارات اجباري عليهم يركبون جهاز السرعة (مراقبة الطلاب اقمار صناعية) واذا اسرعت فوق 120 يطلع صوت قوي ماتتحمله ويوصلهم هناك انك اسرعت واليوم الثاني تحقيق معاك ليش تسرع ؟ شارد من مين ؟ مين يلحقك ؟ ومن هالأسئلة ويعطوك انذار توقع عليه ولو كررتها 3 مرات تفصل من البرنامج !
ارامكو جداً مشددة على الموضوع هذا , فيه طلاب مسوين انهم مابينقفطوا , ويوقفوا في الحارة اللي قدام ارامكو (اللي في راس تنورة ) كثير منهم انمسكوا وتركب لهم جهاز , واذا انكفشت وانتا موقع انك ماراح تسوق بتسير مشاكل وراح تتوقف عن الدراسة لين ماتركب الجهاز ! وشغله جداً سيئة + لاتركب استكر ارامكو ابدأً لانه بيكون باسمك
عموماً اذا انتا ماتحب تسرع ولا عندك خطوط طويلة وماعندك مشكلة ان احد يتحكم فيك , روح وركب الجهاز احسن لك ,
بالتوفيق ياغالي واذا فيه اي استفسار كلمني