الله،، ياهي ذكريات ومواقف،،، بابا فرحان،،،،فوازير رمضان،،، برنامج حروف الاستاذ ماجد الشبل،،
،فيلم كرتون سلاحف النينجا،،،، العم مشقاص حكاوي حجازية قبل الفطور،،،،مدفع رمضان،،،طاش ماطاش،، مسلسل خلك معي الاستاذ محمد العلي الله يرحمه،،،،سباق المشاهدين الاستاذ حامد الغامدي،، مسلسل شمس لاتغيب،، ،مسلسل صدق الله العظيم الاستاذ ماجد العبيد،،،،،وغيرها من البرامج الهادفة والمسلية وغير الخادشة للحياء ولقدسية رمضان شهر الخير والغفران،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،
احلا ايام رمضان التسعينات،،، بساطة وعفوية ومحبة والفة،،، وعادات وزيارات،، وكل يوم فطور عند واحد من اهلنا واقربائنا،،، ايام القلوب النظيفة،،، الله ياهي ايام،،،

للحين اذكر يوم تعبت وامي اصرت اني افطر وما اكمل صيامي تقريبا الساعة وحدة الظهر،،، وفطرت واخواني وخواتي قاموا يطقطقون علي واذكرهم يقولون لي: يافاطر رمضان ياخاسر دينك يلحنونها،، هههههههه وانا اعصب وابكي وازعل على امي واقول ليه خليتيني افطر ومااكمل مثلهم للمغرب،، وشلون عدت السنين؟؟ ووقتها كانت ايام الدراسة بعد نداوم من تسع لين 4 العصر،، ونجي مستعجلين انا واخوي خالد الله يذكره بالخير،،نبي نلحق بابا فرحان،،وسمورة وام الخير،،، هههههههههههههه وقتها كان الجزء الثالث،، جزيرة لامشكلة،،برنامج هادف وبسيط ومسلي حتى عنوانه بسيط،،،وبعدها نذاكر لين الساعة خمس ويبدا برنامج كنت احبه مررره العم مشقاص يحكي حكاوي حجازية،،،،وكنت انا الوحيد اللي اتابعه،،وباقي البيت مشغولين بالبيت والطبخ خواتي وامي الله يحفظهم كان البيت ماشاءالله حركة كثيرة واصوات وناس،، هالحين مابقى غير انا وامي وخواتي الثنتين كل واحد راح بحال سبيله ورزقه،،وكنت ازعل اذا فاتني السحور اقوم الصبح اعصب على امي وانا صغير ليه ماقومتيني هههههههههههههه

بس والله ايام رهيبة،،،اما من ناحية الشطانة والله استغفرالله ايام المتوسط كنت لعاب شوي،، مافي ثلاجة مويه بالشارع واحنا راجعين من المدرسة ما نسلم عليها،، ونجي البيت مسوين نظام اننا تعبانين ومرهقين من الصيام،، هههههههههه ربي سامحنا،،، يارب،، وكانت عندنا حركة انا واخواني زمان ،، يعننا نبي نكشف من الصايم ومن الفاطر الا وهي حركة طلع لسانك ههههههههههه اذا ابيض معناته انك صايم اذا احمر معاناته انك فاطر ههههه كونان ،،،، اما الموقف اللي احس اني ان ظلمت فيه ايام ثالث متوسط او ثاني،، كنت صايم فعلا بس باقي اثار فمتو على فمي عاد تعرفون زمان الواحد يصحى وعلى طول على المدرسة حتى وجه مايغسله زين ههههه بزران مانهتم بالوسامة والاناقة هههههههه المهم ادخل الفصل والاستاذ مسكني وتحقيق وضحك علي الطلاب وبغيت ابكي،، عاد انا ملامحي خلقه بريئة مايحتاج امثل ههههه قام حن علي واعطاني عشرين ريال تقريبا وقتها دوبها نازلة العشرين الجديدة الشكل الجديد،، واخذتها بعد تردد وانا بداخلي مبسووط مرة عشررررررين ريالم رة وحدة،، محد قدي،، والله انتظر الصرفة على نار وعلى البيت واتفرج وافطر واطلع الشارع واشتري طراطيع
ثوم وعصفور وصواريخ والدلوعة والخداعة وقنبلة وفراشةونحلة طبعا هاذي اسماء الطراطيع كل نوع له اسم وميزة،،
المهم اعبي الكيس وتحت عند باب بيتنا ومعي اخوي خالد رفيق طفولتي الله يذكره بالخير طبعا الحين خالد تعين بالقصيم مدرس،، الله يوفقه،،،،المهم قعدنا نلعب ونطرطع قومنا حرررب هههههههههههههه واذكر عيال جيراننا الله يذكرهم بالخير نقلوا من زمان،، يلعبون معنا ،،،اما اخر موقف اذكره بس لاتضحكون كنت وانا اخوي خالد قاعدين على السفرة كلنا طبعا وابوي معنا الله يرحمه ويجمعني فيه بالجنة،،كنا جالسين نفطر وانا وخالد ناخذ من السمبوسة ونخمن جبن او بيض وكنا نقطع جزء منها ونخليها ما ناكلها لان كل واحد فينا يحب نوع معين المهم اخوي محمد كان مرة عصبي هو اكبر منا وكان ملاحظنا المهم اخوي خالد مسكين على نيته انا كنت متوقع ضربة عشان كذا وقفت وسويت نفسي بقوم اجيب شي من المطبخ قمت وماكلمت وصلت لباب المقلط الا اسمع طربااااخ والتفت والقى خالد اخوي منجلد من اخوي محمد والله ابلع العافية ورحت اسوي نفسي ابي اوضي والله ما ارجع لو يعطوني جوال العنيد هههههههههههه ومن عقبها توبنا نسوي كذا،، وما نلعب بالنعمة ونستفسق،،،هههههههههه وبس وناسي والله مواقف من كثرتها

الف شكر اختي شهد على هالطرح الرائع والشيق والله استمتعت كثير فيه ورجعتينا ايام حلوة