الله يرزقكم يابنات الاجواد جميع وعلمو تماما التوافيق من الله هو المعطي والرازق ...


المسابقات فيها مصداقيه ويكفي انها تتيح فرصه لعاطلين لخوض تجربه وياعلها باب رزق له ..

فأحسنو الظن بالله ...

انا اذكر اختبرت ولكن ماخذت فكره عن الاختبار وش كان مركز عليه وضعت وجبت العيد بالقووووووووووووووه
بحكم اول مسابقه ادرعم فيها ..


لكن بعدها عرفت ان لكل مجتهد نصيب وهي توافيق من الله ..

لكن اعتبريها اختبار وتبين تنجحين فيه !!؟؟ اغلبيه المتقدمين على المسابقه عاطلين وش خسرانه لاجتهدي ون شاء الله يطلع لك قبول للمقابله ون ماطلع استفتدتي معلومات ثقافه ودينيه لمسابقات اخرى جايه ..

مثلا حاليا وزارة العدل شواغرها 3000 وظيفه يعني الكل له فرصه الترشح للمقابله بالذات الي حل 50 بالمية من الاسئله ...

من خلال خبرتي بالمسابقات ووصولي للمراحل النهائيه في اكثر من مسابقه ...

لكن لم ارزق فيها يعني ماهيب مكتوب لي فيها نصيب ...

انا بوصيكم على حاجه والله الموفق دائما لكن ابذلو الاسباب ...

فهناك من يذهب للمسابقه وماعنده اي معلومه عن المسابقه او فكره عن الاسئله بشكل عام ...

الي اختباره على المرتبه الرابعه ويصادف 3 اختبار بيكون له الحصه الاكبر من الاسئله ومعرفته طريقتها بل احتمال كبير يعرف وش راح يجيبون مثل ماصار بوزارة العدل توقعت اسئله وجابوها وسأل الله لي التوفيق ولكم ...

نصايح لكم :-

اقري مهام الوظيفه الي مقدمه لها كل كبيره وصغيره ...

افتح قوقل وكتبي مهام وظيفة كاتب - حاولي تقرين شي مكثف مو رؤوس اقلام

خذي نماذج اسئله لتخصصك للسنوات الثلاث السابقه لديوان المظالم ..

خذي نماذج لنفس المرتبه او اعلى بمرتبه حتى لو كانت لتخصص غيرك لاجل الاسئله الثقافيه والدنيه الي فيها وحاولو تعرفون الاجابه الصحيحيه من قوقل ...

وبعدين والاهم شوفي الاسئله الي اختبر قبلك لنفس العام تكاتفو معه بعض ...

راح تبين ملامح الاسئله وتعرفين الاختبار وش يبي ....

دائما ركزو عن اولى العزم العشره المبشرين بالجنه اركان الحج اركان الصلاه والاسلام والايمان وطبعا بالترتيب ...

وبرضو معجزات الصحابه الخ الخ .. وعن المملكه متى تاسست ..

اقرو عن ديوان المظالم نفسه وش التابع له من وزارات ومتى فتح ومن و وزير ديوان المظالم او المدير ..

وش يهتم فيه من القضايا ...