مسيكم بالخير ياجماعة الربع وشحالكم وش علومكم ان شاء الله تيبين ههههههه المهم مالكم بالطويلة ودي اسألكم سؤال واتمنى الكل يرد علي ويعطيني رأيه سؤالي هوا كالتالي : وش رايكم رقيب في قوات الامن الخاصه او مدرس في المدارس الحكوميه ! علما ان القوات راتبها اعلى من المدرس بس يوجد بها الكرف النفسي والجسدي والمعلم مرتاح في دوامه بس راتب مايقارن بالرقيب في القوات ،، وعلما ان القوات تعطيك علاج لك ولوالديك ولكن المعلم مالك الا مستشفيات الهم حقت الحكومه ،، وعلما ان القوات فيها انتدابات قد تساعدك في مدخولك السنةب ولكن المعلم مالك الا راتبك الشهري وعلما ان القوات بوصل للضباط بإذن الله ولكن المعلم بجلس طول عمري مدرس لا اهش ولا انش ،، والايجابية في المعلم هي الراحة والمدنية وانك شاري راسك اتمنى من الكل يعطيني رأيه لان لي سنة تعبت من التفكير وعجزت احدد اللي ابيه وكل ماصرفت نظر عن العسكرية ارجع افكر فيها : تحياتي لمن دمر حياتي . ههه لا هذي مالها دخل اقصد تحياتي لكم