سبحان الله كنا مخططين اننا نحط مناطق معينه قبل التحديث ويوم جاء التحديث صايبنا تبلد وكسل ومتخوفين كثير ونفكر فعليا لو جتني المنطقه اللي متخوفه منها
اللحين انا صايبني كسل وحيره واحباط يوم اتذكر هموم السكن لان عندي اخوات تعينو بقرى اقسم بالله مافيه سكن بالقرية حقتهم الا بيت فيه صاله وغرفتين وحمام واحد وانتم بكرامه تخيلو يابنات 11 معلمة والبعض منهن متزوج ومعه اطفال وشغاله محشروات بالغرفتين من غير نفسيات البنات اللي فجأة تقلب تفسية وتعصب على صحبتها لكن مالومهن الغربة لها دور
البعض يقول لي ماسكنت بالمنطقه وتروح وتجي مع سواقين ..القرية ماهي بالجنوب هي بالعلا تابعه للمدينه وهي قرية من قرى العلا اخر العلا وبداية تبوك وخطها صحرواي مو مزفلت يوم جيت بناخذ اخلاء طرف لاختي لانها انفكت منها قلت والله لاخويك بشوفها ..وربي يابنات من كثر ماهو سيء الطريق تحسين عظامك بتتفكك ترج السياره رج وماتروح للقرية ذي الا جيوب فقط السيارات الصغيره مليون في المية بتنعدم لذلك البنات من كثر ماهو متعب الطريق فضلو انهم يسكنو بالقرية نفسها وترجو رجال معروف بالقرية عشان ياجرهم البيت تخيلو اخذن عليهم اجار شهري 3000 ريال استغل حاجة البنات مع ان البيت كله حشرات والموية تنقطع بين فترة وفترة من غير الحمير اللي فجاة يحصلونها بحوش البيت
اختي الثانيه خيروها ياتتعين بالقرية ذي او تكون ادارية بمنطقة المدينه قالت ارضى براتب قليل ولا اروح للقرية ذي
المغزى من كلامي ان شايله هم السكن كثير مثل ذي القرية البنات تعبت نفسيتهن على مارضى واحد يسكنهن والطريق صحراوي جدا سيء اذا اخوك او ابوك او زوجك ماعنده جيب ودعو سيارتكم وارواحكم
بس لمى اتذكر نقاطي انها بالسبعين اتذكر ان احتمال تعييني جدا ضعيفه واقول بنفسي قدمي على كل المناطق وماراح اسوي عدول لو حصل لي تعيين بس اهم شي السكن حطو يابنات مية خط على السكن وربي اهم شي بالتعيين اكثر من الغربة