الحمدلله تم طباعة رقم الطلب أدع الله لنفسي ولكن جميعا بالتوفيق

من خلال خبرتي في التسجيل الي طلعت مليون نخلة في راسي

أولا لازم يكون عندك جي ميل مو هت ميل

ثانيا بيقولك غلط في الرقم أو السجل أوووووو لكن لا تنظرين له وروحي أفتحي الجي ميل تلقين رساله مكتوب فيها لإكمال عملية التسجيل يرجى الضغط على الرابط التالي

أفتحيها أضغطي على الرابط بعدها بيفتحلك صفحة فيها خانتين للرقم السري أكتبيه وأكديه وعلى طول بيفتح الرابط للموقع وأبدي عبي بياناتك وبكل صبر وتحمل وإعاده الله يعينا وياكم يبي يعيدون لكم الين توصلون لتحميل صورة البطاقه والشهاده والدورات ..... عاد هذي حكايتها حكايه ...

الصور لازم يكون حجمها أقل من 400كيلو بايت وأنا عن نفسي طلعت لمحل تصوير لأن السكنر خلاها 1ميقا بايت ولا عرفت أصغرها فاختصرت الوقت وطلبت من محل تصوير مستندات يصورهم ويصغرهم.

إذا جالك الفلاش ميموري وفيه الصور ومصغره بس مو بالملف المطلوب أنسخي الصوره والصقيها بالوورد وأحفظيها بإسم وقبل ماتكملين الحفظ أفتحي على طريقة حفظ الملف تلقين مكتوب ثلاث أحرف انجليزيه أحفظي الملف فيها ويتحول على طول لملف أدوب أحمر.<<<< الي هو الملف المطلوب.

بعدين روحي للموقع واختيار ملف البطاقه الشخصيه ثم حفظ

واختيار الشهاده وحفظ

واختيار الدوره وحفظ

بيطلعلك قبل الأخير إقرار بأن المعلومات صحيحه وتتحملين مسؤلية الخطأ وبعدها طباعة الطلب وفي أعلاه رقم الطلب

وانتهى .

يارب أكون وضحت لكم

المعذره منكم ولله قبل شوي بس أنتهيت بعد أسبوع كامل من الحوسه .


أي إستفسار أعرفله أنا حاظره وبالله التوفيق