المشاركة الأصلية كتبت بواسطة رجاء فرح

اختي ضايقه تدرين وش عيبك اقصد عيوبك انك طيبه لحد السذاجه
وقلبك ابيض وسطحيه وودي اعطيك كف يفوقك ويصحصحك وحرقتي دمي
اجل اخوك يقول لك تزوجي واحد منت مرتاحة له تتزوجين ؟يعني لوقالك ارمي نفسك بالنار واحترقي ترمين نفسك؟
انتي ارخصتي نفسك كيف تبغين الناس يعزونك
للاسف انتي فعلا رميتي نفسك في مجهول مخيف وقاعده تواجهين ظروف صعبه الحين يعني لازم تسيرين قويه قويه بالله قويه بالتخطيط الجديد لحياتك الجديده

اللي صار صار ولاحول ولاقوة الابالله وانا لله وانا اليه راجعون وهذا اللي كاتبه ربي سبحانه
بس انتي لازم تتغيرين انتي خلاص ام
ثقفي نفسك بخصوص مرض طفلك عرضيه للشمس لأن الشمس تحفز فيتامين د الموجود بالانسان
ابحثي عن دكاتره يعالجون ببلاش يمكن تلاقين
اذا هو صغير ولسه يرضع حاولي تغذين نفسك كويس عشان هو يسير صحي
اعرف ان حياة الفقر صعبه بس انتي قويه ان شاء الله

اذا انتي مكتئبه طلعي نفسك من الاكتئاب لأن الايام تمر والحياه تستمر وابنك يكبر والاكتئاب مو حل
اسمعي للدكتور احمد عماره انسان مليئ بالتحفيز والايجابيه وهذا اكثر شئ انتي محتاجته عشان تسيرين قويه وتعرفين كيف تواجهين الظروف

صلي صلاتك بوقتها مع النوافل ولا تنسين حفظ القران ابدئ احفظي قران لأن لو اصبحتي حافظه للقران فأنتي من اهل الله وخاصته (تخيلي لو انك من ال سعود وهم ملوك فأنتي اميره ولله المثل الاعلى )اهل الله اغنياء اقوياء سعداء كوني من اهل الله واحفظي القران ففيه نجاتك وسعادتك جربي انتي بحاجه للسعاده

اشتغلي طلعي فلوس لأنها مهمه
عندك خيارات كثيره منها -----تسيرين مندوبه لأحدى التاجرات وياكثرهم مثلا انتي تسوقين منتجات التاجره ولك نسبه انا اشتغل فيها وماشاء الله حسابي بالبنك مكفيني اذا تبغين التفاصيل راسليني وانا مستعده اساعدك بس كل اللي تحتاجينه حساب بالبنك لك وجوال فيه واتساب او ايميل وترى الشغل مو عيب اعرف تاجرات بالنت يسافرون دبي واوربا بس من تجارتهم على النت

عندي كلام كثير اغلبه بيزعلك ......المهم انا مثلك مطلقه عشان كذا حاسه فيك بس انا لحقت نفسي قبل مااجيب عيال الحمدالله اللي قلته لك عن تجربه واهم شئ اهم شئ انك تكونين ايجابيه
اكتبي هالعباره في ورقه وحطيها قدامك (هذي الحركه علمني اياها دكتور )

الناجحون يبحثون عن الحلول

انسي زوجك وعمة زوجك وابو زوجك وحياتك مع زوجك وان اخوك السبب وان انتي طيبه فالناس يستغلونك كلللللللللللللللللللللللللللللللللللللل هذا انسيه وفكري بالحلول فكري بأن الله سبحانه يقول لايغير الله مابقوم حتى يغيروا مابأنفسهم
انتي محتاجه للتغيير ابدأي الحييييييييين الان الان وليس غدا

اسعدك الله وبدل همومك سعاده