اقتباس:
المشاركة الأصلية كتبت بواسطة ام بروكي
بنات قلبي يوجعني على الجنوب وعفيف ودي اشيلهم
شورو علي بنات
فيه بنات حطو 9 رغبات وجتهم التاسعه
وبنات حطو 16
وجتهم برضو الاخيره
يعني يمكن تجيني الاخيره الجنوب
شرايكم بنات  قولو لي
انا مرره ضايق صدري عالجنوب
لكن اخاف اتحسف لو قبلو فيها نقاط اقل من نقاطي وانا ماطلع اسمي
شرايكم بنات |
يا ام بروكي ياقلبي انتي تري الدوادمي فيها مطار وهي قريبه من عفيف وبراي اقرب واسهل من الافلاج
انا بصراحه بحط المدن اللي احتياجها من 5 وتحت بالاخير رغم انه اغلبها بالقصيم او الرياض لكن اتوقع انه في بنات بالقصيم والرياض نقاطهم اعلي مني لذلك بحط الاحتياج الاكثر بالبدايه وببدا بالشرقيه والحفر وبعدين الغربيه وبعدين الشمال واخيرا الجنوب
طبعا الاصعب برايي محايل عسير ورجال المع والمخواه لان الطريق عقبه الي الباحه وابها وهذي اللي مخوفتني
رغم انه الجنوب اغلب مناطقه سيئه للاسف وانا قلت بحط المناطق البارده بالبدايه عالاقل مكان جبال وعر لكن براد هههههههه
الله يستر عندي احساس راح يجيني الجنوب الله يستر خايفه والله وكل يوم احلم بمحايل عسير اذا جاتني بنتحر ههههههههه
والله متي يجي 24 رمضان عالاقل اعرف انه طلع اسمي يارب
ام بروكي نقاطي انا وانتي قريبه من بعض بس اللي بعد الفاصله وش رايك نحط الترتيب زي بعض عشان تكون فيه فرصه كبيره يطلع اسمنا مع بعض لاني احس اننا نصلح مع بعض هههههه
انتي ٧٢ وشوي علي المفاضله اللي فاتت صحيح؟