اقتباس:
المشاركة الأصلية كتبت بواسطة نور أمي
مساء النور.... والشهر مبارك عليك
ممكن سؤال اتصالوا من هاتف ثابت او جوال...؟
وهل عندك خلفية عن الاختبارات المرئية أو الصوتية...؟؟؟
وشكرا...
|
مبارك علينا وعليك وعلى جميع المسلمين
اعتذر عن التاخير في الرد لعدم تواجدي بالمنتدى هالايام هذا اول شيء , وبالنسبة لأسئلتك هم اتصلو من رقم تلفون ثابت من الرياض والي كلمني رجال طيب وابن حلال
وماعندي اي خلفية عن الاختبارات 
وماعتقد انها اختبارات السالفة بيشوفون اولا شيء ظهورك الاعلاني (شكلك) ثم صوتك وطريقة نطقك ومخارج الحروف لديك ثم سرعة ردة فعلك على الهواء مباشرة ثم ثقتك ومدى جاهزيتك للظهور في التلفزون وبيني وبينك لاتخاف انت روح شغل التلفزون الحين وتفرج القناة الاولى او الرياضية وشوف المذيعين ثم اتجه الى اقرب مراية في بيتكم وشوف نفسك بتحصلك افضل منهم لأن بعضهم معليش مره مره مكانه مو مذيع او مراسل 
او لأهل الراديو سجل صوتك وسمعه اصدقائك 
وبالنسبة للطريقة يقدرون يسوون كل الكلام الي فوق على شكل مقابلات او حتى من مجرد دخولك بوابة الهيئة وجلوسك على الكرسي يراقبونك ويشوفون تصرفاتك ويسسسون معك مقابلات شخصية يعني توقع أي شي وخلك جاهز الله يوفقك يارب
كل ماكتب بالأعلى مجرد تخمينات لا أقل ولا أكثر , اشوف افضل شيء الواحد مايستعجل على رزقه يمكن يرسلون لنا *ويمكن لا وبالتوفيق 