المشاركة الأصلية كتبت بواسطة سالم العلياني

السسسسسلام عليكم ورحمة الله وبركاته


رمضان مبارك على الجميع
وأسال الله أن يجعلنا من المقبولين فيه ومن عتقاء الله من النار

صلو على نبينا محمد ( اللهم صلّ وسلم وبارك على نبينا وسيدنا محمد وعلى آله وصحبه وسلم )

/
/
/

أمس كانت مقابلتي في ادارة التربيه والتعليم ببيشه

وجيت أقول لكم وأطمنكم باللي صار حتى تنتهي أسالتكم وشكوككم و الوسوسه
وتراني ما أقصد أحد

المطلوب يا أخوان الآتي :
- أصل البطاقة الشخصية
- أصل وثيقة التخرج
- أصل السجل الأكاديمي (( وسالفة هل هو عربي أو لا ما طلبوها أبدا ولا حتى سألوا ))
- أصل وثيقة الدبلوم التربوي إذا كان مؤهلك غير تربوي
- صورة شخصية مقاس 3*4


كانت مقابلتي الساعه اثنين مساء ( الظهر )

في البداية يأخذون منك البطاقة ويطبعون لك ثلاث اوراق


الكشف الطبي ( مدون عليه إسمك والسجل المدني ، وتدبس فيه صورتك الشخصيه )
وورقه إثبات بأنك حضرت المقابلة
وورقة فيها بيانات المقابلة مكونة من 100 درجة يقيمونك عليها المقابلة الشخصية


يوجهونك لمكتب ثاني ويطلب أيضا منك البطاقة . والأصل من السجل الاكاديمي . والأصل من الوثيقة . والأصل من وثيقة الدبلوم التربوي إذا كان مؤهلك غير تربوي .
ويطابقونها على بياناتك المسجلة على موقعهم والمرسله من الخدمة المدنية .

بعد التأكد من البيانات يوقعون لك على إثبات المقابلة .
ويختمون لك على الكشف الطبي وأطلب منهم إسم المستشفى اللي تبغى تكشف فيه حتى يسجلوا اسمه على الكشف .

يوجهونك بعدها الى المقابلة .
تعطيهم الورقة الثالثه اللي طبعوها لك من أول مكتب واللي مسجل فيها درجات لكل خانه .

والمقابلة بسيطه جدا ، ومتساعدين وفقهم الله ..
أساله سوالف ودردشة يشوفون شخصيتك وثقتك بنفسك .
تخصصات كثيره وكل تخصص له مشرف معين .

اشوف بعضهم يجلسون خمس دقايق وبعضهم على طول

بالنسبة لي أول ما جلست المشرف جاه إتصال ومن كلامه إظاهر المدام كانت تبغاه بموضوع مهم
وما أمداني أجلس واضبط جلستي الا مسجل الدرجات ويقول توكل على الله
واللي حصل له مثلي لان كنّا آخر اثنين في المقابلة .. والمدام إظاهر كانت معصبه

----


بعض الاستفسارات اللي تهمكم

الكشف الطبي يقولون نسلمه لهم أول اسبوع بعد العيد

وسألت مشرف منهم هل القبول مضمون ،، قال نعم بطريقة ملتويه وقال وبإذن الله أزورك في مدرستك

والكشف الطبي تروحوا المستشفى اليوم الثاني لان اظاهر يتأخر .
---


هذا كل شي ،، والامور أبسط مما نتوقع

وصل الله وسلم وبارك على نبينا محمد وعلى آله وصحبه وسلم .

أذكروني بدعوه في منطقه أبغاها

لو نسيت شي راح ارجع واذكره لكم بإذن الله .