طيب بخصوص ان عمرك 17 وتقول يعني حالتك مادية شوي تعبانه

عندي لي حل مؤقت

اذا عندك شهادة متوسطة ادخل معهد صناعي ثنوية تخصص مكانيكي تتعلم تصلح سيارة او اي تخصص المهم انك تدخل معهد صناعي ثنوي تابع للمؤسسة العامة للتدريب المهني والتقني

سجل فيه واذا انت تدرس ثنوية اول او ثاني او ثالث

انتقل لدراسة ثنوية عامة ليلي حكومي وسجل بلمعهد صباحي انت واخوانك

يكون دوامك 6 صباح الى 12 ضهر ترتاح عند اهلك وتغداء وتريح الين 4 عصر الى صلات العشاء 8 وتجي تحط راسك وتنام

المهم من موضوع يعطونك مكافاءة بمعني راتب شهري 700 ريال اذا قدمت بلمتوسطة راح تدرس عندهم سنتين ونص تقريبا واذا ثنوي 1 او 2 تدرس سنة ونص

انت واخوك وحتي اختك اذا كانة خريجة ثنوية خلها تدش كلية مكافاءتها شهري 990 ريال

وتقدر تحسن معيشتك تدرس ثلاجتكم 400 ريال و يبقي لك 300 ريال اجمعهن لين الله يفرجها بوضيفه اذا تخرج ثنوية ولو عسكرية

وتقدر تكمل بعد تخرج من ثنوية عامة تقدر تدخل كلية او جامعة ويصرفون لك 990 ريال او تدخل عسكرية او اي شغله شريف وشغل مو عيب ان كان حلال ويرضي الله وانا اعلم برستيجك وكبريائك انا مثلك ابن قبيلة وعرف ضروفك لك صدقني بترول (نفط) هو الي رفع خشم قبايل ولا تلقي شيخ قبيلتي يشتغل على تكتك ههههههه

المهم اتمني اكون عطيتك حل والمهم شي شد حيلك بدرس وكلها ايام وتعدي وانصح ابوك يبيع البيت ويشتري بيت ارخص شوي عشان يسد ديونه

وبالاخير اقولك ترى ابوك يحبك بس المشكلة لم يكن يحسن تدبير الامور وصدقني انا ابوي يستلم 22000 الف ريال

وعيشتنا مثل مسلسل سنوات ضياع ههههههه وعادي احب ابوي حتي كان ابوي يعطيني 1000 ريال شهرين لكن الحين يقولي اعتمد على نفسك صج يولد لميتى يبه عطني فلوس ههههههه انا ابدرس تقنية اطقطق فيها لين ادش عسكرية وتزوج وبس واذا تبي شلون طريقة تسجيل المؤسسة التدريب التقني والمهني لايطوفك لان للحين مخلص تسجيل لاحق عليهم واذا تبي اي شي ارسلي على خاص

اما بنسبة كسب مال عن طريق الانترنت
عدت انواع واسهل طريقة بما عندك كمبيوتر
انسخ نزل افلام من يتويوب تكون صافي ولصقها على سي دي
او اي شي تبي تبيعها صورها اورسهل وابحث عن منتديات الي فيها بيع وشراء