عذرا على اللقافة والتليقف عزيزاتي معلمات الرياضيات عما قريب ان شاء الله .

عزيزتي فراشة الصيف ال٢٠ ألف هذه القائمة تشمل التربويات والغير تربويات وكانت إحصائية قبل المكرمة وقبل ما يستثنوا الغير تربويات لانه كان مسموح لهم التقديم . اذا تبغوا تعرفوا العدد الحقيقي او التقريبي نقصوا من ال ٢٠ ألف عدد المتعينات في المكرمة وعدد المتعينات في احتياج شهر ٢ او زي ما بيقولوا البعض بواقي المكرمة اوكى خلاص كذا طيب العدد اللي يبقى هو العدد التقريبي للي لسى على قائمة الانتظار وحيكون منهم تربويات وغير تربويات خذوا منه ال ٣٠ ٪ ولا تنسوا ان النسبة هذه فيها غير تربويات والاولوية للتربويات طبعا عموما ليش قلت العدد التقريبي لانه في دفعتين اتخرجت من بعد الاحتياج لو فرضنا ان أعلى معدل فيهم ١٠٠ ما أتوقع نقاطها حتتجاوز ال٧٥ او ٧٦ والرياضيات مو تخصص سهل خاصة في الجامعات فما تلاقي المعدلات مرتفعة مرة بالتالي وخاصة لو تلاحظين الاحتياج الأخير نقاط الرياضيات نزلت لبدايات ال٧٠ وغير كذا مافي تصنيف يعني زي الاحياء بإذن الله بإذن الله النقاط حتنزل بس كثروا الرغبات وفالكم الخير ولا تفكروا بس تفائلوا والله يقدم اللي فيه الخير .
أتوقع طريقة قسمة ال٤٥٠٠٠ على التخصصات خطأ لان العدد يفرق من تخصص لآخر زي الفيزياء مثلا على قائمة الانتظار ٩٠٠٠ وعليها في حين الاحياء والكيمياء فوق ١٥٠٠٠ بالتالي العدد اللي حيطلع ما حيكون قريب للصحة خاصة أنوا إحنا مانعرف نسبة الاجتياز في التخصصات الثانية الخلاصة الاعداد متفاوتة بشكل كبير والنقاط بإذن الله حتتفاوت وحتنزل وحتشوفوا نقاط مرتفعة ونقاط وسط ونقاط نازلة.


أتمنى تقبل وجهة نظري بدون زعل هو مجرد تحليل .