شوفي بصراحه بقولك شي ..
اساسا القياس ظلم .. لانه يحدد دخولك المفاضله من حرمانك منها
والا وين راحت 4 سنين دراسه ؟
طيب طبقوه .. بأمانه الظلم التساوي بالدرجات فعلا
تدرين ليش
لاني اعرف بنات فعلا معدلاتهم عاليه جدا وهم أكاديميا سيئات جدا جدا جدا
بنتي تدرس وتعذبت من هالنوعيات الفاشله
واللي معدلها عالي بتعبها وجهدها من الطبيعي انها تتجاوز قياس تراه مو بهالصعوبه ونصه معلومات عامه
مراة ااخوي لها 15 سنه رياضيات وتجاوزت الاختبار ودرجتها بالثمانين
بس البنات حطوا ببالهم انه صعب ومعقد طيب شوفي اللي تخرجوا ممن الثانوي كلهم تجاوزوه وجابوا درجات عاليه
وانا اختبرت قدرات وكفايات معلمات القدرات اصعععب بكثير من كفايات مافي مقارنه

الحين نقاطك هي هي م اتزيد لو تعديتي 10 سنوات ؟ ! ليش
المفروض في اشياء تقدر الوحده تسويها ترفع من نقاطها
اولا انهم يحتسبون الاقدميه بدون حد اعلى حرام في بنات لهم 15 سنه او اقل ما توظفوا !
والمفروض اصلا يحصرون القديمات ويوظفونهم لان اعتقد المتبقي منهم مو كثير
الشيء الثاني انه تحسب لك نقاط مثل نقاط المعدل من درجة قياس ترفع نقاطك وانه الاختبار يكون 3 مرات يالسنه ويسمح لك تدخلينه عشان تعدلين درجتك
يعني تخيلوا معاي .. انا تخرجت عام 1431 ووحده تخرجت وراي لكن انا جيد جدا وهي ممتاز نقاطها اعلى مني .. مع انها اخذت بقياس 51 وانا اخذت 90 _ مثال فقط مو درجاتنا الحقيقيه) مو من الظلم اتساوى معها ؟
لازم ما يكون كل شيء على المعدل يكون شيء على قدراتك الاكاديميه الحقيقه وشيء على معدلك عشان يكون فيه مقدار من العدل
لان في ناس كفاءتها عاليه ومعدلاتهم منخفضه يعني في كثير يتعرضون لظروف قويه وفي كثير كليات متساهلين وكليات معقده انا درسوا معاي ناس رسبوا بكل المواد ونقلوا لكلية بنفس المنطقه تخرجوا ممتاز @ بالله هذا وش يفسر لكم ؟

وبحكم تخصصي .. وحده من زميلاتي تقديرها جيد .. نقاطها منخفضه والله انها تتكلم مثل الاجانب تبارك الله وكفاءتها جدا جدا جدا عاليه ولو تدرس اي جيل راح يكونون واو بالانجلش .. واعرف في دفعتي ناس تقاديرهم اعلى بكثير والله ما تعرف تقرا كلمتين

الحق يقول من العدل عدم المساواة بالدرجات زيها زي اي اختبار .. والعدل يقول ان اختبار قياس برمته ظلم للقديمات خصيصا المفروض يسقطون الشرط عنهم بصراحه لان لا مناهجهم ولا ودراستهم ولا السنين اللي جلسوها تخلي من العدل انهم يختبرونه

كان في قياس ظلم اشوفه على القديمات فقط لا غير وبصراحه معروفه دراستهم شلون طلعوا ناس صح
لكن الاجيال والخريجات الجدد اقول بكل قوه قياس مطلب بصراحه لان مو كل من تخرجت قد التدريس

واتمنى لو في مفاضله سنويه للوظايف الاداريه للفئه اللي ما اجتازت قياس بس تتفاضل عليها لانها الانسب لهم

لحد يزعل هذا رايي ووجهة نظري لا تزعلون احنا نتناقش