قياس ظالم وفاشل هذا شىء متفقين عليه بس الأكثر ظلم أنوا مقياس يحدد اذااجتزتي معناته نجحتي بالتالي تدخلي المفاضلة ما اجتزتي تعتبري راسبة وبالتالي تنحرمي ولا حتى يكون عندك امل تعيشين عليه وهنا نقطة الاختلاف . وإلا بالله ايش الفرق بين وحدة تجيب ٤٩ ووحدة ثانية ٥٠ ليش الاولى راسبة والثانية ناجحة ايش المنطق الغريب هذا ومن يرضى بالظلم هذا ليش ما يدخل الكل ليه وإلا علشان نجحنا وفرحنا انو القياس قلل عدد البنات . في حالة تم اعتماد القرار ياليت نطالب بأن النسبة الأكبر تكون لصالح الأقدمية وبعدين درجة قياس وأخيرا المعدل انا أكاد اجزم وبرضوا حقول العلم عند الله علشان ما آخذ في ذمتي شيء أنوا البنات اللي بيطالبوا حديثات تخرج ونسبهم في قياس ممكن تكون عالية علشان كذا بيطالبوا ممكن يفكروا ان هذه الطريقة في صالحهم ومو هم ولا الطريقة اللي بيطالبوا فيه تعتبر نقطة نقاشنا .
اذا كانوا القديمات معظمهم نجحوا بتقدير جيد جداً ولهم ١٢ و ١٣ وبعضهم دخل واجتاز فبرضوا فيه قديمات لهم نفس سنوات التخرج ولا اجتازوا ولا قدروا يدخلوا المفاضلة وفيه بعضهم للأسف وبشكل لا إنساني أشوفه انا ما دخلوا المفاضلة أساسا بحجة أنهم ما اختبروا لان نقاطهم نازلة فايش الأحسن أنوا الجميع ينافس ويكون عنده امل او يقصى البعض بحجج واهية مثل ما اجتزت او ما ترشحت للاختبار .
ياليت نفكر بشكل عقلاني ومنطقي و لا نتكلم عن حب الخير للغير لاني بصراحة اقرأها كجملة فقط تكتب في حين معظم الكلام ما بتحسي بروحها ضمن الكلام .
ارجع أقول إحنا بنتاقش وما نبغى ندخل في النوايا وما إلى ذلك وإلا الحسد والأنانية ماليه الناس نسأل الله السلامة منها .
وكمان اذكر الاختلاف في الآراء ووجهات النظر طبيعي ووارد ومو شرط أقنعك او تقنعيني وممكن يكون كلامك صح وكلامي غلط او العكس ومو معنى أنوا لذل ما اتقبلت وجهت نظرك أسيء لك .


والله العالم بالنوايا وجزا الله الجميع الخير وبالتوفيق للكل .