شوف حبيبي انا ما اقولك انسان خبير ولا عمري أشتغلت
لكن شي بديهي الشغله مو استيراد وبيع واجمع قروش
الفكره ايش نوع البضاعه الي تبي تستوردها
هل عليها طلب بالسوق المحلي أو لا
هل هي متوفره مثلاُ وانت بتنزلها بسعر اخر
بعد كذا لازم تحسب كم التكلفه من الشراء الى ان تصل لسعوديه
من جمركه وغيرها
هذي بالنسبه لي أمور تنظيميه واشياء بسيطه الاهم هو التصريف
كيف بتصرف بضاعتك ؟
كثير غيرك جابو بضاعه وجلست على قلوبهم سواء لسوء اختيار البضاعه الي استوردوها
و أفضد بسوء بمعنا أنها بضاعه مو مطلوبه بالسوق او متوفره بشكل كبير
والقسم الأكبر منهم بسبب عدم قدرتهم على تصريف بضاعتهم
مشروع الاستيراد طيب لكن يحتاج دراسه وتركيز وعدم استعجال