اقتباس:
المشاركة الأصلية كتبت بواسطة الشانز
ارجوا ان تتقبل استفساراتي بصدر رحب والله يوفق الجميع
|
أبشر ياصديقي 
اقتباس:
ممكن اعرف اخوي على اي اساس تقول ان البرنامج واسطات وبقوه؟؟؟
اللي اعرفه ان هالبرنامج بالذات صعب الواسطات فيه هذا كلام رجل ثقه يشتغل بالخطوط
|
الكلام اللي بقوله كلام أشخاص خريجين برنامج رواد المستقبل أحتكيت وإشتغلت معهم ..
أكثر من شخص منهم قالها ببساطه دبرت واسطه ودخلت البرنامج أنا ماأنكر إنه عدد منهم دخل بجهده ومهاراته لكن الأغلبيه صدقني معارف وواسطات وشف أغلبهم مايمتلك أدنى مهارات إداره أو إشراف كيف دخل البرنامج ماأدري ..
اقتباس:
|
البرنامج هذا اصلا قائم عالتدريب مثل ماقريت عنه بس صراحه ماعندي خلفيه عن المهام اللي راح نتدرب عليها,, فكيف تنصحنا اخي الكريم بعدم التسجيل فيه بسبب انه لايوجد فيه تطوير
|
فيه تركيز ملحوظ على رواد المستقبل أولا بتاخذ تدريب زيك زي أي موظف بالخطوط في مركزهم بالشرق الأوسط .. بيخلونك تدخل إجتماعات مع كبار التنفيذيين بس تقعد زي المزهريه معاهم ..
يرسلونك برى لفرنسا أو جنيف تحضر إجتماع ولا تشوف طياره وتتصور جنبها ..
كلام الشباب خصوصا بعد التدريب والوظيفه اللي انت بتاخذها ماتستحق كل هالتسويق للبرنامج .. إشتغلت مع أكثر من خريج للبرنامج وأغلبهم محبطين ويبون يطلعون ..
ببساطه إذا إنت شخص تبي راتب وراحه روح الخطوط والله ييسر لك لإنه فعلا راتب رواد المستقبل أعلى من المتوسط بالنسبه لأغلب المؤسسات والدوائر الحكوميه الأخرى ..
شخص تبي تطوير مميز ومهارات عاليه ووظيفه فيها تحديات وفيها تعويضات لاتجي الخطوط ولا تقربها ..
يعلم الله إني كاتب هالكلام مابي أحبطكم لكن مابي يذبحكم طول الأمل وتنصدمون بالواقع اللي بتشوفونه .
بالتوفيق