اخو سليمان في عدة اخطاء ارتكبتها و الظاهر اني العامل اللي سافر كان حاط في بطنك بطيخ صيفي
و مطمنك على الاخر ....بس طلعت بطيخه بيضاء .
الله يعوض عليك

بعض النقاط المهمة

1- عدم متابعه الفواتير و الديون يوميا . برنامج الاكسل كفيل بذلك .
2- الجرد الجرد الجرد . 3 مرات .
3- التنظيم .
4- سفر العامل دون محاسبته .
5- تنظيم الفواتير في ملف ..( مديونيات , اجل , كاش, تالف...)

عشان تشوف حل للمشكله
1- اجرد المحل كامل ( فترة العيد فرصة كبيرة ). شوف اللي لك واللي عليك
2- البضاعه اللي تنزل للمحل اذا عندك مستودع صغير وفي شخص مسؤل اخر عن المستودع. غير العامل المسئول يكون افضل .
3- راجع بعض الفواتير تحصل بعضها مضروب ( الرقم التسلسلي , التاريخ , كميه البضاعه , المبالغ ..)
4- جدولة الديون مع الموزعين انت و مقدرتك الماليه .
5- شكّل العماله اللي عندك يعني مو كلهم هنود .
6- اوقف على شغلك في المرحله هذه مساء على الاقل ترى اذا طاح الثور كثرت سكاكينه.

الله يوفقنا و اياك..........