[align=center][align=center][/align] هذي مشاركة من اخونا طوكيو في احد الدورات السابقة
[align=center][/align]


اللبس وقت تسليم الوثائق ثوب وشماغ
بالنسبه للصيحيان على البروقي بيكون واضح ومسموع مايحتاج الا يوم والا اسبووع الا تتكيف عليه ان شاء الله والامور سهالات لالااتخاف ولاتشيل همها البروقي تسمعه من خلال الغرفه بالسماعات الموجوده راح تسمع جميع الايعازات والنداءات المهمه لين ينفجر راسك م ن كثر ماتسمعها
عموما نصائح مهمه
الابتعاد عن المهبطين والمتشائمين
الابتعاد عن التدخين بقدر المستطاع اللي يدخن فرصه للاقلاع واللي مايدخن انتبه تتاثر نفسيتك وتتدخن وتروح عليك
شراء الملابس القطنية والابتعاد عن الماراكات السيئه
شراء البوت اللي نوعه ممتاز من فوق 400 ريال
راح تسمع كثير كلام وراح يوجعك راسك من الاشاعات عليك بنفسسك وكيف ينتهي يومك
مهما تكن لالاتفكر بالخارج اقصد خارج محيط الكلية من الاهل والاقاراب والزملاء والاصدقاء خلك بالكلية وعيش الجو لين تنتهي من ال45 انا ماراح اقولك بتتذكرهم بس حاول تشغل نفسك عنهم مع اخوياك وخلك اجتماعي اكثر
قراء الاذكار والمداومه عليها 3 مرات باليوم
قراءه القران اذا قفلت نفسيتك لن بيجيك وقتت تتمنى انك تبيع بمحل خضاار وفواكه من شده التعب النفسي
مع احترامي وتقديري لهذه المهنه لكن لكل مقال مقام او العكس
الكلية تعتمد بشكل كامل على التعب والاجهاد النفسي والتعود على اصعب الظروف النفسيه اللي راح تواجهك وتكمن صعوبتها من خلال تدريبك على الانتقال من الحياه المدنية الى العسكريه اتمنى انك تكون دائما تشوف نفسك بعد الكلية مو وقت الدورة لانك بالكليه طالب بعد التخرج بتكون قائد مهم بالدوله وحتى تكون قائد مححنك تحتاج الى تدريب قوي ومهمت اعلى لكي تستطيع مواجهه الحياه اللي بتواجهك من مصاعب وتداركها بحكم تجاربك بالكلية

عموما الللي سبقوك ماهم احسن منك تراهم تجرعوا جميع انواع التعب والارهاق وهاهم ينعمون من هذا الخير الكبير ومن هذا الرزق من رب العالمين
اتمنى شيى واحد تتذكرة اذا حسيت ان النفسية وصلت حدها لاخر شيى وووصلت للحضيض ولاقدرت تتحمل تذكر وانا اخوك شي مهم
المرضى بالمستشفيات
المعاقين
الفقراء بانحاء العالم
الحروب اللي تصير للعالم ويتشردون
العماله اللي جايين يشتغلون عندنا سوا من خدمات او سواقين لاحظ انهم تاركين اهلمهم من اكثر من 5 سنوات واكثر عشان مصدر رزق 1000 ريال

اذا تذكرت هذولا ابيك تعرف انك بصحه وعافيه وان الامور زينه واوضاعنا عايشين على النعمه وش بيضرك لو هرولت وش بيضرك لو تتعب سنه او سنه ونص
وتنتنهي منها باعلى المناصب وتفلها طول حياتك ان شاء اللله صدقوني الامور ان شاء الله زينه ولا راح تتعبون كثير الا بال45 بعدها فله تحضير كل جمعه وخروج الربوع وتنتهي بسرعه وسهالات خذوها بساعه صدر لايهمك اي كلام من اي احد



[/align]