ماودي أخرب موضوع الأخ سعودي وعاطل ولا أقلبه للنقاش
بس بأقول لك ليه متعجبه من كلامك ..لأني توقعت العقليات اللي تفكر هالتفكير انقرضت لكن تفاجأت بوجود بقية منها
بالنسبة للتعميم على الموظفات والجامعيات فإنت عممت ولا مجال لإنك تنكر لأن ردك موجود بدليل إنك تنصحه بعدم الأخذ منهم !!
أما إن بنات ال18 عجينة طرية على قولتك وتشكلها بكيفك فهذا يابابا كان زمان لما البنت كانت قطة مغمضة مش مع جيل هالوقت ..مع وجود الاستثناءات
ودي أنبهك لنقطة إن البنت المطواعة اللي مرنة وقابلة للتشكيل على قولك تكون بنفس الطبع سواء صغيرة أو كبيرة
وكذلك العندية اللي بتطلع للرجل قرون فهي كمان راح تكون كذا صغيرة أو كبيرة
وياما رجال ماقدروا يكسروا شوكة هالبنات الصغار مو نقصا في رجولتهم وإنما لأن فيه بنات ماتتعدل إلا بمزاجها فيختار راحته ويطلقها
اقتباس:
المشكله الكبرى لو كلهم بعمر العشرينااات ..هنا المشكله
أما الرجل بعمر 30 أو 35 يكون أكثر تعقلآ وأكثر وعيآ ,,وفي حاجه ماسه لطفله يدلعها وليس أمرءه تجيبله الملل ~!
|
هنا نجي للنقطة اللي ودي أمحيها من مخك 
إنت هنا تبرهن على أنانيتك وإنك مايهمك إلا وناستك
فكرت فيها لما تكون بالأربعين أو الخمسين وهي لس بأواخر العشرينات أو بداية الثلاثيات
إيش ذنبها تعيش مع شايب وهي المفروض تعيش مع واحد يشاركها مرحها وطلعاتها وتمشيتها ويلعب معها
حلاة الأزواج وهم متقاربين في التفكير والاهتمامات ويعيشون كأصدقاء
مو تعيش كجارية عند هالشايب أبو دم خفيف مو مثل دم بنت الـ25 والـ30 
اقتباس:
|
أذ فيه شياب بعمر 80 و90 يدفعون مئات الآلف علشان يتزوجون بنات صغيرات بسن وهم أكثر خبره ومعرفه مننا..و مودي أفصل أكثر بهذا الشئ ..
|
لاتنسى تحتفظ بهالسطرين اكتبها في دفتر ذكرياتك واقرأها لما تجي في الـ90
يمكن تحن لأيام الشباب وتفكر تجدد شبابك مع وحدة قد أحفاد عيالك
وأتمنى ما أحد يدري عنك علشان ما أحد يشهر فيك "عجوز كهل هرِم في أرذل العمر يتزوج بابنة الـ18"
دمتم بخير وتقبل ردي بصدر رحب
ورمضان مبارك على الجميع