اقتباس:
المشاركة الأصلية كتبت بواسطة عبيراء
وعليكم السلام ورحمة الله وبركاته
حياك الله
اللهم آمين وياك وجميع المسلمين .
شف بارك الله فيك.:
إنت الآن بين نارين لكن عليك في البداية حتى تقدر تختار من دون ما تندم تصفي ذهنك وتتجرد من رغبتك الشخصية وتجلس جلسة صادقة مع نفسك بعد ما تاخذ من الجميع آراءهم والله يكتب لك الي فيه الخير مع كثرة الدعاء والإستخارة
قدر الله إني أنثى والحمد لله على هالنعمة .. لو كنت مكانك ما تأخرت أبداعن الإنخراط في العمل في الحرس الوطني .
عمل شريف وشرف ما بعده شرف إنك تخدم وطنك وتكون درع له وتحميه من الأعداء داخليا وخارجيا .. شغال خطين لأن الحرس الوطني يساند وزارة الداخلية في حربها على الإرهاب في الداخل ويساند وزارة الدفاع في حربها ودفاعها عن الوطن في وجه العدو الخارجي .. بلدك أحوج لك الآن من أي وقت ثاني فلا تضيع الفرصة ولا سيما إن وضع الحرس تغير وتطور وصار وزارة بدل ما كان رئاسة يعني شغل جامد .. وبالنسبة للراتب فممتاز كبداية ومع الوقت بيزيد وتزداد الرتب وفي مجال مفتوح لعدد من التخصصات مو تخصص واحد يعني عندك مساحه تختار .
الله يحفظ والديك ويخليهم لك وجميع المسلمين .. ربوك وعلموك ويبون يشوفون ثمرة تعبهم وصبرهم قال تعالى : ( هل جزاء الإحسان إلا الإحسان ).
إغتنم وجودهم في حياتك ولا تنسى إنهم بابين من أبواب الجنة .. إن رضوا عليك رضي الله عنك والعكس بالعكس .. وبدعاءهم المتكرر والصادق من قلب محب يبارك الله في حياتك ورزقك ويوفقك لكل خير .
أنا معهم لما يخافون عليك في الغربة .. يكفي فقط انشغال بالهم عليك وقلقهم ودايم يفكرون حتى وانت توك متصل عليهم ( كلت نمت مع مين تروح وش تسوي متى بتجي .......) أشياء كثيره تشغلهم ويعدون الأيام والليالي حتى يشوفونك قدامهم.
شي مهم لازم ينذكر وهو إنك تربيت في مجتمع محافظ وخروجك فجأة إلى مجتمع منفتح قد يعرضك للفتنة إذا ما عندك حصانة شرعية وليس بالضرورة هالشي يصير لكنه من أهم أسباب رفض والديك لسفرك وقلقهم عليك فريحهم وارتاح ولا تنسى إن مبتعثين كثير واجهتهم مشاكل ماعرفوا كيف يتعاملون معها شخصية وغيرها واضطروا في النهاية يرجعون .. تلفيق التهم ممكن تتعرض له كل شي وارد والعين مصوبة على السعوديين بشكل خاص
إن أنسى فلا أنسى إن كثير رجعوا معهم شهادات وللحين ما لقوا وظايف .. ( عصفور في اليد ولا عشرة فوق الشجرة )
هذا الي عندي وحبيت أشارك به نصيحة لوجه الله وفي الأول والأخير الراي لك انت صاحب الشان بس مثل ما ذكرت لك إحسبها زين قبل ما تقول ياليت .
أسأل الله لك التوفيق والسداد .
تحياتي لك |
تسلمين ع الرد المتواضع بس انا مستغرب كيف بنت تعرف كل ها المعلومات عن الحرس
وثانيا يا اختي الكريمه انا عندي طموح والعسكريه مامنها طموح ماوراهار الا المذله
اكيد مر عليكي العسكري اللي كسر رجله عشان ياخذ اجازه مابي اظلم نفسي وادخل عسكري
وبعدين اقول ليتني كملت دراسه