السلام عليكم ورحمة الله .. يعطيكم العافية جميع

نزلت ذا الموضوع لسبب واحد كل التجمعات هنا بعد تمعن بها وجدتها خصوصيه تابعه للتخصص وليس لنوع الشهادة تربوي وغير التربوي ..
وهذا بوجهة نظري هو الاهم من نوع التخصص علمي او نظري ..
فقياس على ذلك طرحت ذا الموضوع ..

الغاية من الطرح نعرف وضعنا يا لغير تربويات .. من نقاط مفاضله .. اقدمية التخرج .. احتياج ..
والاهم معدلاتنا عاليه قياس على التربويات .. ماهو بحسد ولا اجحاف بحقهن كلن له بالاجتهاد نصيب ..اؤمن بها لكن حقنا با المقارنة بكم مهضوم ؟؟

لكن السؤال الدارج لماذا يؤخذن بالاولوية في تعيين رغم معدلاتهن قياس بالغير تربويات ؟؟

الشي الثاني .. مو ذنبي اذا الكليه اللي التحقت بها غير تربوية ولاعندها مواد تربيويه بالتخصص ..؟؟
ادري بتقول خذوا دبلوم تربوي ؟؟ بكم الدبلوم 10000 عشر الالف ريال ولا بعد مو كل الجامعات ؟؟
طيب ليه ما تعطيني الجامعة تربوي وتضيف سنه .. الله يعيني اخذ سنه خامسه ولا تخرجني بشهادة والخدمة تفلسف تربوي حتى المدارس الاهليه تشرط وحنا ضايعين بالطاسة
يعني اللي معدلها 4.90 امتياز مع مرتبة الشرف ولا لها مكان لا خاص ولا حكومي والسبب الشهادة غير تربوية ؟؟؟ ويقولون عطاااااله ؟؟

ملاحظه اكثر الغير تربويات تخصصاتهن علميه ونظريه يعني حاسب الي فيزياء كيمياء احياء
دراسات اسلاميه لغه عربيه تاريخ جغرافيا ...... وكمل ؟؟؟؟


طرحت ذا الموضوع وابي حل لوضعنا ؟؟


الله يوفق الجميع ويكتب لنا من خيره ويصلح احوالنا ويبدل لنا الحال لأحسنه يارب