اخوي كنق نايت خطوات التقديم بالتفصيل كان التقديم بالنت اواخر شهر 4 بعدها بايام وبفترة بسطية دعونا لفرع الوزارة بالملز علشان المطابقة وفي منتصف شهر 5 اجروا لنا الاختبار التحريري في ملعب الملز وفي بداية 7 طلع اسمي للمقابلة وطلبوني للمقابلة في الفرع في بداية الشهر ذاته وفي نهاية العشر الثانية من رمضان جتني رسالة منهم علشان طباعة ورقة الترشيح طبعتها ورحت للفرع اخر اليوم اخذت ورقة الفحص من الفرع وسويت الفحص في مستشفى الملك سعود سويت الفحص بتاريخ21 وطلع الفحص بتاريخ 23 قدمت الفحص للوزارة الفرع اللي في الصحافة ووجهوني للفرع الرئيسي ولما رحت هناك اعطوني قرار التعيين ووجهوني للمحكمة العامة بالرياض ولما جيت للمحكمة عطوني خطاب للاحوال المدنيةعلشان تعديل المهنة نصيحة اخ محب للجميع كل فروع الاحوال يبون موعد بالنت حتى اللي بالمروج بس فيه فرع مممممممممممممممتاز سوى لي التعديل وانا واقف اللي هو فرع الاحوال المدنية اللي في رويال مول تقاطع طريق الملك فهد مع الملك عبدالله ولما جيتهم بخطاب التعديل عطوني المباشرة بنفس اليوم اللي هو 23 رمضان وهو اليوم قبل الاخير للدوام جيت ثاني يوم ووقعت للتحضير وقالوا لي خلصت اجراءاتك خذ خطاب من عندنا ورح به للفرع اللي بالصحافة وكمل بياناتك عندهم وعطهم رقم الحساب ورحت هناك وكانت الساعة تقريبا 2 وصارت اوراقي عند الصادر الى الان بسبب تسرب الموظفين ذلك اليوم وللمعلومية هم اكثر شي مدققين عليه ويبون يخلصون منه بدري كتاب الضبط اللي في الرياض علشان النقص الرهيب اللي موجود في المحكمة العامة بالرياض سامحوني على التطويل بس حبيت افيدكم باللي صار معي