السلام عليكم ورحمة الله وبركاته في البداية ربي يوفقكم وييسر أموركم ويرزقكم باللي يسعدكم ويطمنكم أنا تخصصي بكالوريوس تربية خاصة / صعوبات ولي 8 سنوات متخرجة الحمد لله ربي رزقني بالوظيفة العام مع دفعة الأوامر الملكية في قرية من قرى القصيم توكلت على الله ورضينا بالتشتت الأسري علشان طلب الرزق لكن الشي اللي حمسني أرد عليكم هنا تساؤلاتكم عن المديرات والمجتمع وليه مسار الصعوبات رغم أهميته قليلة أنا تفاجأت من دخلت المدرسة أول يوم لآخر السنة وأنا أشرح لأغلب المعلمات + المديرة وش يعني صعوبات ؟ وكيف تدرسينهم ؟ ووو مديرتي للأسف ماتعرف ولا أهتمت ولا تعرف أهمية معلمة الصعوبات حتى التقييم لمعلمات التربية الخاصة يختلف عن العام وهي ماتعرف لولا الله ثم موجهتنا الرائعة اللي ساعدتنا ورفعت من معنوياتنا كثير كنت أجيب لها الأوراق لما تحضر عندي علشان تقيمني ! لأنها بكل بساطة مقللة من وجود معلمة للصعوبات وماتحس إنه شي مهم المجتمع جدًا مُحبط خاصة بعد ماقالت لنا الموجهة إنه معها موجهات يسألونها وش يعني صعوبات ! مستوعبين إنه إمرأة وصلت للتوجيه مُفترض تكون مُلمة وفاهمة ماتدري وشي جديد عليها ! طبعًا القصيم إحنا أول دفعة نجي لهم بكالوريوس الأغلبية اللي كانوا معنا معهم دبلوم ولا دورات وأصبحوا معلمات للصعوبات والفكري ! الوضع من جد ماأعجبني وماأرتحت فيه على فكرة أنا تكلمت لكم عن فئة معلمات وموجهات يعني ناس متعلمة وأكيد إنتم أدرى بالأهالي اللي لما رشحت بناتهم لغرفة الصعوبات زعلوا مني وهاوشوني يقولون لي : بنتنا مو مجنونة أتمنى أتمنى أتمنى ووومن كل قلبي يكون فيه توعية أكثر لمديرات المدارس والمعلمات علشان بس يساعدونا ومايضيقّون علينا خاصة إنكم عارفين إنه مالنا حصص خاصة فينا والرياض ليه يالرياض ماتفتحين فصل صعوبات بكل مدارسك ؟ ليه نشتت ونروح لديار مانعرفها ولا نبيها وعندك نقص كبير أعرف وحدة شخصيًا بعد 6 سنوات غربة عينوها في الرياض والحمد لله ندبوها بمدرسين تدرس صعوبات لأنهم محتاجين ليه مضيقين على خلق الله بالحصص والمرمطة وهي مايبي لها إلا شوي تنسيق واللي يشوف إحتياج الصعوبات يجيه إنهيااااار المملكة العربية السعودية إحتياجها للصعوبات أقل من 20 هل يُعقل ؟! الله كريم أنا أقول دائمًا وأبدًا رغم الصعوبات اللي مريت فيها خلال السنة الماضية الحمد لله إني توظفت من بعد سنين الصبر والمرمطة بالأهليات والبطالة وربي يرزقكم بمعجزة مثل الأمر الملكي العام ويجيكم توظيف وحدة وحدة جنب بيوتكم مافي شي على الله عسير .