اقتباس:
المشاركة الأصلية كتبت بواسطة سكر زيآدة
أهلاً بك أخي الكريم .
أنا من سكان وادي برك وهي قريبة نوعاً ما من الحوطة
يعني تسكن في الحوطة وتداوم فيها 60 كيلو إلى أبعد مدرسة فيها وهي مدرسة العبيديات
المنطقة كبيرة نوعاً ما وسكانها جميعاً من أبناء الدواسر
هناك 8مدارس تقريباً أكبرها مجمع مصدة التعليمي
وهناك مدرسة بوضان صغيرة جداً عدد طلابها لا يتعدى 20 طالب
أيضا هناك منطقة الحيانية بعد برك ب 40 يعني من الحوطة 110 تقريباً
وفيها مدارس كثير أما المليحات نفس المسافة تقريبا ويسكنها قحاطين وكذلك الربوا
يسكنها الدواسر وهي قريبة من المليحات وما انصحك في المنطقتين إذا لك قرار .
ختاماً :فيه مناطق قريب مررة من الحوطة مثل الفرشة 40 كيلو تقريبا على طريق الجنوب يعني الطريق كويس
وسكانها دواسر وسهول وهي هادية وجميلة ,
يأتي بعدها بالأفضلية برك ثم الحيانية ثم الربوا ثم المليحات .
سكنك بيكون في الحوطة لأن المناطق اللي ذكرت ما فيها سكن إيجار وكل السكان بادية
لكن متطورين ثقافياً وعلمياً 
السكن في الحوطة رخيص جداً جداً خاصة للعوائل أما ان كنت عزابي خذ لك استراحة في الحوطة
بتكون رخيصة عليك مررة .
إذا تعينت في برك فكل مدراء المدارس وكذلك اكثر المعلمين من أقاربي وهم من أهل المنطقة .
إذا احتجت اي خدمة تواصل معي ..
وفقك الرحمن .
|
بارك الله فيك على شرحك الوافي وانتم ياهل حوطة بني تميم معروفين بالطيبه والكرم ويشرفني التواصل معك