أنا أختلف مع الأخوان الكرام بإستثناء ياصبر أيوب ..

ياعزيزتي .. إلى متى والإختلاط يصير عائق وحجر عثره بطريق أي بنت تحاول تحقق طموحها وأهدافها المستقبليه ؟

الإختلاط الآن أصبح شر لابد منه .. فما بالك بالوضع بعد عشر سنوات من الآن ؟؟

إذا إنتي فعلا ملتزمه بحجابك وبدينك وتعتزين بالشئ هذا ..

إذا إنتي فعلا واثقه من نفسك وماتسمحين لكائن من كان يضرك في شئ أو يزعجك ..

إذا إنتي فعلا تحتاجين الوظيفه وتتمنينها ..

صدقيني والله لا الإختلاط ولا أي مشكله اخرى راح توقف في طريقك ..

شخصيا أعرف أكثر من بنت تعمل ممرضه أو إداريه في شركه وبشكل مختلط ووالله عليهن ثقه بالنفس ومحترمه أنفسهن بشكل يخلي أي شخص يفكر مليون مره قبل يحاول يزعجهن أو يحتك فيهن ..

إستخيري وتوكلي على الله .. إذا شفتي نفسك محتاجه للوظيفه اقبليها ادخلي المستشفى وكلك ثقه بنفسك ماتسمحين لابن إمه يمس طرف لك ..

شفتي نفسك مو مرتاحه .. لاتجبلين نفسك على شئ ماتبينه من البدايه اتركيها وإن شاء الله .. الله يعوضك بأحسن منها ..

سؤال منطقي بسيط ياريت توقفين عنده شوي بس !!

هل تعتقدين إن أي بنت تشوفينها في مستشفى أو في شركه راضيه فعلا عن وضعها وقابله بالإختلاط اللي هي فيه ؟

بعضهن أوكي وبعضهن لا ... لكن الذكيه والواثقه من نفسها محد راح يمسها في شي إلا إذا هي سمحت فيه ..

الله يوفقك