تعودناعلى حمـل الجمايـل والزعـل واللـوم
ولا نرفض عتب غالي ولا نزعل مـن جدالـه
تمنينا نحوز اغلى مكانـه فـي وجيـه القـوم
ونعيش الخوه بوقت يضـد رجالـه .. رجالـه
تعلمنـا مـن الدنيـا وزدنـا للعلـوم علـوم
وسقنـا للـدروب قلـوب رجليـه وخيالـه
وقفنا للزمن وقفة شجاعـه والقـروم قـروم
اليـن صـار واحدنـا بديـل اقوالـه افعالـه
اليما انه خذا ياخذ مثـل مـا ياخـذ المحـروم
واليما انه عطا يعطي ولـو مـن لقمـة عيالـه
ولا بتنا ولو باتـت رحايلنـا بـدون عـزوم
نساوم للفخر بأرضه ولو بـأي مـن اشكالـه
ولا عفنا ولو شفنا على بـاب النهـار سمـوم
ولا خفنا ولـو طفنـا بمخراجـه ومدخالـه
واذا شفنا العنب بأقسى عناقيد الشجر ملمـوم
نهز غصون عنقوده واذا ما طـاح نرقـى لـه
نصبر بعضنا بالجذب الابيض والهـدف معـدوم
ونقول انا وصلنا له ولو انـا مـا وصلنـا لـه
وانا واحد من اصغرهم طموح وللطموح رسوم
على وجهي مثل قولـة بغـى شـي ولا نالـه
عطيت وما رضيت آخذ من سلوم البخيل سلوم
ولا عمري رضيت اقعد على قلب العرب عالـه
ولا ارضى بالفخر فزعة جواسيس وكلام رخوم
ولا عمري حنيت الوجه بعـد المجـد لحثالـه
غناي الله وانا رجـلا عزيـز مقـدر محشـوم
قنوع بالقـدر وان قلـت فـال الله ولا فالـه
بسيط يرمي حموله على متـن الجبـال همـوم
بوقت للأسف عيـت تطيـق همومـه جبالـه
بوقت نزل خشوم ورفـع مـن رداه خشـوم
وخلا قيمـة الرجـال بيـن النـاس بريالـه
صحيت وقلت للنايم بعد ما قام صـح النـوم
زمانك ما عطـاك الا صـور وحطـام تمثالـه
سنين اطالع البارق واقـول ان المطـر محتـوم
وهو ما مد لي كفـه وانـا مـا طلـت همالـه
ارد اجذب على نفسي واقول ان النخل مفطوم
وهو ما بالنخل عدق عطش مـا ذاق شلالـه
وانا ما بي من البارق هماليـل ومطـر وغيـوم
ولو ذقت العطـش بعيـون برقيـه ورحالـه
تعلمت الصبر من كنت طفـلا بالمهـد مزمـوم
الين صرت رجلا لانتخو بـه طـوح عقالـه
وانا ما احلف بعد عمر طويل بدفنـة المرحـوم
اقـول الله ولا غيـر الله الرحمـن نلجـا لـه
ومثل ما بالمطر خوه ليما هـل كـوم وكـوم
انا قلبـي بعـد يقـدر يـدك البيـد بلحالـه
واذا اسمي وصل للدنيا قبل لا القى الحياه بيـوم
ابتركها وانا اسمي يضـرب التاريـخ بأمثالـه
واذا ربعي وهم ربعي تناسوا حقـي المهضـوم
بعيش اشره على قلبي قبل لا ارثي على حالـه
واذا كفي طعن كفي براس الخنجـر المسمـوم
بعرف ان النصيب اقرب من الرجـال لظلالـه
مدام ان الزمن خلا الشجـاع بوقتنـا مهـزوم
اجل خلوا ضعيف النفس يكسر شره اشوا لـه

حامد زيد