ههههههههههههههههههههههه
حبيبي منطلق .. الموضوع مايتعدى كونه قناعات شخصيه فقط لاغير ..
إنت من حقك تسأل وتستفسر لكن خذها نصيحه من أخوك لايذبحك طول الأمل وإنت لسه ماتدري بتنقبل بالبرنامج أو لا .. أفضل توقيت تسأل فيه وتستفسر وتفكر وتستخير هو لما تعرف إنك مقبول بالخطوط وخلاص المسأله مسأله إتخاذ قرار ..

وعلشان أكون صريح ومنصف معك ومع الشباب اللي قدمو ع البرنامج بتكلم شوي عن الخطوط ..

برنامج رواد المستقبل هو أهم برنامج وأهم فئه عند الخطوط يهتمون فيهم ويعولون عليهم الكثير .. رواتبهم جدا ممتازه مقارنه بغيرهم .. لكن المهام والمسؤوليات تختلف بإختلاف الشهاده والتخصص ..

مثل ماذكرت خريج رواد المستقبل في الآي تي يختلف عن خريج رواد المستقبل في المحاسبه والماليه وعن التسويق والمبيعات .. أغلب خريجين البرنامج حاليا ماسكين مناصب جيده إداريه وإشرافيه في الخطوط ..
غير عن سفرياتك برى ودوراتك .. جزء من إهتمامهم فيك يخلونك تدخل إجتماعات مع كبار التنفيذيين في الخطوط ..

ذكرت في أحد الردود مسبقا .. اللي يدور إستقرار وراتب ممتاز نوعا ما وراحه يروح الخطوط .. اللي يدور مهارات وتطوير وإنجاز ( وحط ستين خط تحت إنجاز ) وإحداث تغيير لايجي الخطوط يدور شركه عالميه برى أو يبدأ بشركه صغيره من الصفر ..
قناعاتي نفس قناعات رواد المستقبل اللي قدمو إستقالاتهم وطلعو لشركات برى ..

أعطيك هي ببساطه .. إداري ولا موظف عادي في شركه زي بروكتر آند قامبل أو يونيليفر عنده مهارات ومسؤوليات أعلى بكثير من مهارات ومسؤوليات خريج رواد مستقبل في الخطوط ..

نهايه كلامي يامنطلق .. إذا إنت شخص مثلي تبي تعمل بجد وإجتهاد وتبي تحدث تغيير يحسب لك رجل الراحه ماهي هدفك الأول .. الخطوط ماهي مكان عمل لك ..

أتمنى الصوره وضحت لك وللشباب

بالتوفيق وأنا موجود لأي إستفسار