اقتباس:
المشاركة الأصلية كتبت بواسطة منطلق
حبيبي أخر عرش على اليمين .... أشكرك فأنت أسهبت ووضحت ... يهمني الإنجاز جداً لكن لعل أغلب الشركات في البلد ماطقت خبر للإنجاز مره.. كنت معول على الدورات حقتهم لكن ع كلامك أروق المنقى وأنتظر بعد المقابله ونشوف من الي يعطي الثاني (ركبه) . منطلق يحب ينطلق في أرض الله الواسعه والخطوط توفر ذا الشي بالفاوتشر  .. بيني وبينك صعب تكمل!! كل مكان بيكون فيه سلبيات وإيجابيات .. لكن خل نقول كما قال الشافعي ( دع الأيام تفعل ما تشاءُ)
والله كريم ...
سؤال أخير < ظنك أخر سؤال..؟؟
هل أستفدت من الدورات حقتهم؟ وهل لها قيمة في السي في ؟ وهل هنالك عقد يلزمك بالعمل لفترة بعد التدريب؟
السائل ميم نون طاء من الرياض |
أهلا صديقي وعمت مساءاً ..
أول شئ دورات الخطوط مو سيئه بالعكس جميله ويجيبون لك مدربين عالميين ..
بالنسبه للسي في .. الخطوط بكبرها مالها قيمه بالسي في .. ياصديقي الشركات بشكل عام عارفه الخطوط وعارفه إن ماعندها إلا الدجه ولكن تؤمن بشخصك الكريم وبمهارتك وقوتك وثقتك بنفسك ..
أنا ماني خريج رواد مستقبل .. موظف بالخطوط استدرجتني بمسمى وظيفي مغري وبراتب مغري .. وكانت أفضل الوظائف العاديه اللي انعرضت علي ووافقت .. حاليا أنتظر المرحله الأخيره لبرنامج خريجين في شركه عالميه وقويه جدا أسأل الله العلي العظيم أن ييسرها لي .. وبغض النظر .. عندي مقابلات في شركات حاليا .. طالع من الخطوط طالع الله لايعوق بشر ..
بالنسبه للفاوتشر .. بيطلعون عيونك عشان تستخدمه ولعلمك يعطونك كلاس إم إذا بتستخدم الفاوتشر يعني تذكرتك بتكون على البريميوم مو على القست .. من جده لدبي تطلع بمبلغ ضخم عشان يخلصون الفاوتشر بدري بدري ..
وأصلا مجرد ماتروح تقص تذكره من عندهم تجيك حاله نفسيه .. لاهم يخلصون أمورك بدري ولاهم يستقبلونك إستقبال جيد كأنهم معطينك الفاوتشر ومتحسفين عليه هههههههههه
إسأل مابدى لك ياصاحبي ..