بنات
الاحتياجات تختلف من وحده للثانيه
اللي بتسكن لحالها مع اطفالها
احتياجاتها غير اللي بتسكن مع معلمات
وغير اللي بتسكن مع محرم
واللي بتسكن في شقه مفروشه غير اللي بتسكن في شقه جديده فاضيه
كل وحده ظروفها هي اللي تحدد احتياجاتها

واللي يقولون تحتاجون مويه
اي نعم ممكن تخلص المويه في وقت مومناسب ان احد يوفرها لك
وكمان كانت تنقطع عننا المويه
ونضطر نستخدم قوارير ماء الشرب للوضوء

راح اكتب لكم اهم الاشياء اللي يفضل تكون معاكم
اما الادوات المعروفه زي*ادوات النظافه والاكل وادوات من القرطاسيه للدوام هذي مايحتاج اذكرها حسب كل وحده وتخصصها

تحتاجون اغراض للطوارئ:
لصق جروح ومرهم للحروق ومطهر ديتول
مرطبات للشفايف واليدين والجسم لانه الجو بيتغير عليك
مضرب للذباب ومبيد للحشرات بودره وبخاخ*
كنا نعاني من الذباب والناموس والنمل بالذات بعد الامطار
ادويتك اللي تحتاجينها*
مثلا بنادول ودواء للكحه ولالتهاب الحلق
قطره معقمه للعينين وقت الغبار
كشاف او شموع
عبايه احتياط
صندل عملي مريح احتياط
فراش ولحاف وبطانيه احتياط
سجاده صلاة صغيره اللي تنحط في الشنطه
وعلبه صابون سائل صغيره ومعقم يدين سائل ومناديل مبلله
هذي *تحتاجينها في طريق السفر
بعض المساجد ودورات المياه غير نظيفه
وكمان تحتاجونها في بعض المدارس
تكون دورات المياه غير نظيفه ابدا
ابره ومقص وخيوط ابيض واسود
مقلمة أظافر



وان شاءالله اكون ذكرتكم بشي ينفعكم