بالنسبة للملابس كل الالوان مسموحة بس اهم شي ماتكون ضيقة وشفافة ولازم يكون الكم طويل
اما التوجية بس يجي للادارة انا درست سنة في قرية في وسط الجبال ماجانا الامرتين بداية السنة ونهايتها
بالنسبة لملف الانجاز المديرة مالها فيه اذا جاتك موجهه المادة هي تسألك عنه المديرة بس تشوف دفتر التحضير كل اسبوع


اما التحضير جاهز عشان كذا لازم يكون عندك طابعة ولاب توب عشان تسحبين من النت او تشتري سي دي من المكتبة انا اسحب كل يوم خميس تحضير الاسبوع كله . اذا كنت تدرسين ابتدائي لازم اوراق عمل اما المتوسط والثانوي ما يحتاج بس تسوي لهم اوراق اختبارات .

انت معلمة لازم لما تدخلي الفصل تكون ادواتك كاملة معاك من كتب واقلام سبورة ومساحة سبورة ومقلمية فيها قلمك الاحمر وقلم رصاص وقلم ازرق ومسطرة كل شي راح تحتاجينه وفشله تطلبين من الطالبات .


الطالبات يحبون التغيير في الحصة فقد ماتقدرين نوعي فيها . اذا كنت تدرسين صفوف اوليه خلي معاك جهاز تسجيل عشان وقت فراغهم تشغلينه لهم فأمايسوون ازعاج ومنها يحفظون القران والاناشيد المقررة عليهم بسرعة ومن دون عناء.

اي سؤال انا حاضرة واذا استفدتوا من كلامي لاتنسوني من صالح دعائكم .