[align=center]وعليكم السلام ورحمة الله وبركاته

الله يوفقك ويفتح لك من ابواب الرزق والخير ان شاء الله

اخذ الرأي والنصيحه شي جميل و اخذ ايجابياته وتجنب سلبياته شي اجمل

من رايي يالغالي تخليها على قولتهم حج وحاجه

في البدايه اسال عن الحراج متى يكون وهل هو فترات او فتره واحد وهل هو طول الاسبوع او له ايام محدوده ومتى يكون السوق على قولتهم حامي زي المواسم

الشي الثاني حاول تلاحظ السوق وش الي ينباع فيه كثير او الي مطلوب فيه والي لك فيه مكسب باذن الله والي تشوف المحرجين يكثرون عنده

الشي الثالث حاول تكون قريب من اهل الحملات (( البضايع )) وتسال من وين هالبضاعه وتحاول تتاكد من المعلومه من الي بالسوق

طبعنا في جميع هالحالات كلها كانك زبون ولست تاجر لن الاغلبيه سوان اجانب او مواطنين للاسف فيهم حسد ليس طبيعي وليمكن يوضح لك شي

يعني من الاخير مخك شغله واخلاقك خليها عال العال منها تكسب معلومات ومنها تكون لك قاعدة لبضائعك بالمستقبل

الشي الرابع احسب بضاعتك كم كرتون بالضبط واضربها على سعر الكرتون بالحراج بالنسبة الاقل وحاول تستنج الربح والمصاريف لسياره ولك

ملاحظة // مهما كانت المغريات لا تحسب السعر الاعلى ابداء بالسعر الاقل حتى باذن الله تكون متاكد

بخصوص الموتر فالمثل يقول (( اكل الـز بيب حبه حبه لا تكبر لقمتك وتنشب فيها ))

اتمنى التوفيق للجميع ان شاءالله[/align]