صباح الخير ....
انا عضوة جديدة ... بس شفت الموضوع دا ومااااااااره ماااااااااره اتحمست ... لاني مليانة افكار ... وعندي طموحات كتيرة ... بس للاسف انوااااااااااع التحطيم ....
اول شي ... انا خريجة رياض اطفال :o وانا من مكه ... قبل ما اتخرج وانا حلمي اعمل مشروع بيبي سيتر ..
طبعا باباتي والمجتمع كله قالولي ماينفع ومجتمعنا ومدري ايش .. . فكرت بمشروع يعني زي الحضانة ... وتكون بالساعة .. ووقتها مفتوح ... يعني اللي حابة تروح مع زوجها سهرة بسيطة ممكن تخلي طفلهاعندنا ... او اللي حابة تروح السوق وماتبغى اطفالها معاها ... يعني اقصد كدا ... ومحد شجعني ... وكلهم جلسوا يقولولي انتي فاضية ... ومين راح يترك اطفاله عندك اوانوع التحطيم ....
المشروع التاني ... افتح حضانة ( مو ملاهي ) حضانة والعاب اركان ورسم ... واشياء يستفيد منها الاطفال ... بداخل مركز تجاري ( الضيافة ) ... وطبعا تكون بالساعة ... ويكون المركز مجهز تقريبا زي فكرة المركز الموجود في ايكيا ... بس انا اقصد بشكل اوسع .
المشروع التالت واللي مااااااااااره نفسي احققه .... بعيد عن الاطفال والحضانة 
... افتح مركز مناكير وبوداكير ... بداخل مركز تجاري ( الضيافة ) طبعا انا علقت على الضيافة عشان ماشاء الله على مدار اليوم وعلى مدار السنة زحمة .. ايام المدارس .. تلاقي بنات الجامعة في الصباح ... كنت اروح يوميا عشان ستار بكس :o ..... انا شفت في ماليزيا في المراكز محلات صغيرة حقت مناكيير وبودكير وتلاقي البنات والحريم على طول عندهم ..... واحنا البنوتات نموووت على دي الشغلات ... ونعرف انو الوحدة لما تدخل تعمل مناكيير وبودكير احيانا بس لمجرد انها ترتاح ...تغيير نفسية مو اكتر ... ويكون باسعار مناسبة ...
المشروع الرابع ..... يااااااااااي من جد نفسي فيه .... wedding planer.. اعتقد تنكتب كدا ... يعني مجموعة بنوتات ... ونعمل مكتب ... ونستقبل فيه البنات ونخطط معاهم على الزواج ... نتعامل مع جميع القاعات والاستراحات ... وجميع محلات الورود .. والشوئلاتات .. والزواج من والى .... يعني العروس تجي ناخد رايها بشوية امور ... واحنا نخطط لها الزواج بالشكل اللي تبغاه ... وبالميزانية تبعتها ... بالله مو مشروع ماااااره حلو وممتع ؟؟ ( اخدت فكرته بكل امانه من جينفير لوبز ... عندها فلم انها تشتغل الشغلانة دي وماااااااره حبيت الفكرة ) انا حبيت الفكرة لدرجة عملت تصاميم .. وفكرت بإسم الشركة ... والوان المكتب ... يعني اشياء ماااااااره كتير فكرت فيها ...
ممممممم بس حاليا ... يلا يابنات مين تشد حيلها ونتشجع ونسوي ولو مشروع واحد .. 
اكيد حسيتو بدوخة ........ بس فعلا احس اني عندي افكار بس ناقصني التشجيع والدعم ... ويكون احد معايا ...
تحياتي