حلول البطالة Unemployment Solutions - عرض مشاركة واحدة - التفكير والحيرة في البعثة الى امريكا السبب !

عيوون الكوون · #32 (**permalink**) 19-08-2013, 02:06 PM

اقتباس:

المشاركة الأصلية كتبت بواسطة عوضوك ف غيابي

وعليكم السلآم ورحمة الله وبركآته
موقفك الي انت فيه اشبه بموقف انا فيه حالياً بس الفرق بيني وبينك ان انت بدات حياه وانا باقي
انا مشكلتي كنت من البدايه مثلك حاب اسافر برا وادرس ولكن ماحصل نصيب وصارت لخبطه امور كثير وتقريبا جلست سنه ونص عاطل كنت اقدم بجده والرياض كليات اي نعم جاتني فرص ادرس ولكن دايم الظروف تجبر الشخص وماندري ممكن تكون خيره لنا ، عموما رجعت لبيتي بعد فتره من بحث كليات وسفر بين جده والرياض وتقديمات هنا وهناك وقدمت برضو عندكم بالخطوط حاولت فيها كثير ولكن كل ما احاول اقدم كثير يقولي عندك واسطه تخش سلام سلام ماعندك صف ع جمب وجات فرصتين تقديم بالخطوط وكلمت كثير وقالو نفس الشي لاتتعب نفسك لو معاك واسطه يمشي امورك وماصار نصيب قدمت بكليه بالمدينه " رغبة الوالد " مع ان الكليه كانت سمعتها مش ولابد من ناحيه انها تعبانه وقليل وظايفها ومن هالكلام بحكم انها جديده تخصصي كان فنادق واغلب الطلاب كنت لما اسالهم يقولولي يارجال خذها مكافات بس مثلنا
المهم الكليه مدت دراستها تقريبا 6 اترام لما وصلت الترم الـ 4 وباقيلي ترمين عالتخرج جاتني فرصه بعثه لامريكا ع حسابي الخاص وبعدها ع حساب الدوله وتسهلت امور كثير حتى الفيزا وصلتني بفتره ماكنت احلم فيها وتسهلت امور كثير ولكن رجع وسواس ناس كثير حولي يوسوس لي لاتروح وخلك كمل الترمين انت بتقطع دراستك وتسحب ملفك وتروح تدرس بثانويه هناك ....الخ

وكنت متردد ومحتار ، اسحب ملفي واروح للبعثه وحياه ثانيه اكون نفسي ومستقبلي وابدا صفحه جديده بحياتي ، ولا اجلس هنا واكمل بكليه لاهي من اختياري ولا رغبتي وانتظر ترمين واتخرج وادور وظيفه بعدها ولا ايش !

كنت بحيره مايعلم بها غير ربك وتردد كان بيضيع كل شيء ، عموما بالنسبه لك لا تسال اي شخص لان اصابعك مو سوا ممكن راي الشخص يفيده هو لو طبقه بس لو تطبقه انت ماتنجح لو تبي الحل الاكيد والي يريحك بالعربي تبي الثوب الي يجي ع مقاسك بالضبط
استخير فقط ، كن مع الله سلم امرك له واستخير وشوف الاستخاره وش تقدم لك
لو استخرت ولقيت نفسك مرتاح للسفر توكل ع الله وسافر لو استخرت وماحسيت براحه تجاه السفر خلك مكانك ..

استخير وبس وبيني وبينك خذها مني نصيحه وزخرفها بماء الذهب ( لو كنت محتار بين امرين وجلست محتار ومتردد وتفكر صدقني بيمد الوقت وتلاقي نفسك تقول خلاص اي شيء وترضا باي شي قدامك وتنعدم عندك الاختيارات خذ قرار ولاتدع ابدا الحيره والتردد يتملكوك مهما حصل )

بالتوفيق لك ،
وع فكره ترا انا مقدم ع ولايه بنسلفينيا في فلادلفيا معهد كابلن لو تعرفه

الله يوفقك يارب ويسر امورك انا واعوذ بالله من كلمة انا اذا ضاقت ابي الدنيا دخلت هالمنتدى النير

وافضفض من همومي ولا مانع من الشخص ان يستشير اخوانه وخواته وقراءة طروحاتهم واستفدت منهم كثير ومثل ماقلت سابقآ القرار راجع لي بعد الاستخارة بأذن الله

ومعهد كابلن كان احد خياراتي الثانيه بس الحمدلله اتاني قبول بمعهد اليوبن وهو معهد ممتاز بعد استشارة اخواني واخواتي المبتعثين المتواجدين في أمريكا ..

ألا بسألك وين وصلت بالاجراءات حاليآ ومتى موعد دراستك بالاي توني انا موعد دراستي في

جونوري ...

الله يوفقك اخوي