اقتباس: المشاركة الأصلية كتبت بواسطة حصريات [align=center]مساء الخير للجميع : هنـــــآآ سـأنقل وأجيب على تسـآؤلات المتقدمات لهذه المسابقة حسب حصريـآتي : والي ببدأ فيها بهالأخبار ، بالنسبة لإعلان الأسماء بيكون ان شاء الله خلال الأيام الجاية وماهب وركزوا على الأيام من 20 من هالشهر المقابلات الشخصية بتكون على مدار اسبوعين وبتبدأ من يوم الأحد 2 / 11 كل وحده بتكون مقابلتها بالمنطقة الي قدمت فيها يعني الي قدمت في الرياض بتكون بالمحكمة الادارية بالرياض فيه قسم نسائي هناك ولجنة عدد المتقدمات وصل حدود 130 الف والمرشحات للمقابلة بحدود 60 ألف خلصنا من الأخبار وبنروح للمسابقة وشلون وكيف وش بتسون الي بيطلع اسمها بتحصل مكان وموقع المقابلة وهنا اقول للمرشحات هالمرحلة هي الي بتحدد إنتي مقبولة والا مع الباب فحاولي إنك تزكرتين عمرك ، المظهر العام يكون مناسب لموظفة حاولي إنك تقرين عن ديوان المظالم معلومات أساسية وانا بعطيكم كم معلومه تفيدكم بالديوان طبعاً بيجيكم سؤال عن وظيفتك ، مع المقابلة بيكون هناك اختبار حاسب تجلسين طال عمرك على جهاز وقدامك برنامج طباعه يجيب لك النص مقلوب ويعطيك وقت تكتبي هالنص الوضع تراه سهل جدن جدن بس يبيله وحدتن تسمي وتاخذ نفس عميق وتبدأ اتوقع المطلوب 20 كلمة بالدقيقه وهالشيء سهل اول ماتختبرين بيعطونك ورقه فيها درجتك وتروحين بها للجنة وعقبها يب يقولون لك انتظري النتايج . بعدها بيصير فرز المرتبة الرابعة بيكون الترشيح من الديوان بنفسه اما المرتبة السادسة بيرسلون اوراقهن للخدمة المدنية وهم الي يسون المفاضلة وعقب عاد تطلع النتائج النهائية ، للمعلومة ومن معرفة تامة مسابقة ديوان المظالم نسبة الواسطة فيها ماتتجاوز 1% وتكون محدودة وهالشيء محرصن عليه معالي رئيس الديوان يعني كل وحده تتوكل على الله وان شاء الله فالكم التوفيق أي سؤال عن المسابقة أو المسميات الوظيفية بجاوبها بس أعتذر إن صار فيه تأخيرر بالرد وأي خبر أو معلومة جديدة بنزلها لكم هنااااا [/align] الله يرحم والدينك ماقصرت ان شاءالله يكون لنا نصيب ياكريم سؤال طال عمرك : على اي اساس الخدمه المدنية تفاضل متقدمات المرتبه السادسه ؟؟ مامعيار المفاضله ؟