السلام عليكم أمس كانت مقابلتي والحمدلله تيسرت وصلت الفرع الساعة 7:15
اول مادخلت لقيت الرشبسن وخذت مني سجلي المدني وقالت انت اسمك كذا قلت اي وعطتني رقم
وكان 58 بعدين قالت روحي فوق رحت واول مادخلت القاعة كانوا ينادون ع رقم 30
وكان فيه تقريبا 6موظفات ع الكاونتر بس ماشاء الله كانوا جدا مرتبين ومنظمين ينادون رقم رقم وكل وحدة تروح لموظفة وبعدها بثلث ساعة نادت ع رقمي ورحت قالت عطيني الوثيقة وصورها منها وكرت العائلة وصوره منه وقارنت بينهم ورجعت لي الاصول وقلت سجلي اسمك بالكشف ، وبعدها عطتني سند استلام كانوا ورقتين وقعت عليهم وخذت نسخة وعطتني نسخة وقالت خلاص ، سألتها اذا بياناتي مطابقة او لا قالت ان شاء الله وانتظري ع موقع جدارة الله يهديها ماعطتني اجابة شافية عشان ارتاح
وطلعت الساعة 7:45 م بس بصراحة م كنت متوقعتها بهالسهولة والترتيب والله ياكنت شايلة هم مايعلم فيه الا ربي بس الحمدلله تمت ع خير بس بقي تنزل الاسماء ونرتاح اكثر .."اللهم لك الحمد حتى ترضى ولك الحمد اذا رضيت ولك الحمد بعد الرضا".


ان شاء نفرح باجتيازنا للمطابقة وبالتعين لمناطق قريبة من ديرتنا يارب واللي باقي م ترشحوا ان شاء الله ربي يرزقهم من واسع رزقه وفضله


بس بسألكم بخصوص ورقة التعهد م عطونا ولا وقعنا ع هالشي مدري انتوا مثلي والا انا كنت بفرع الرياض ؟!