اقتباس:
المشاركة الأصلية كتبت بواسطة كوين لولا
[align=left]السلام عليكم
حصريات الله يجزاك خير
باليت تقولين لنا عن المقابلة الشخصية والأسئلة
ووظيفه كاتب وش مهامه ياليت تشرحون لنا
واختبأر الحاسب كيف
ولو البنت اللي مقدمه على المرتبي الرابعة بشهادته الثانوية
هل أقول لهم ادرس جامعه عن بعد ولا أسكت ما أجيب طارئ للجامعه
ويوم المقابلة وش الأشياء المطلوبة [/align] |
المقابلة الشخصية بتختلف من لجنة ولجنة يعني يمكن تدخلين تقولين السلام عليكم ويقولون وعليكم السلام وش مقدمة عليه وتقولين لهم كاتبة يقولون الله يوفقك وتمشين وتنقبلين وتتوظفين ، وبعضهم تجيهم يسألونك عن الاسم ودراستك و ش تعرفين عن الوظيفة وليش ماتوظفتي وتقدرين تتعاملين مع ضغط العمل وضغط البيت
يعني حسب مزاجية اللجنة بس انتي من المفروض تدخلين المقابلة وانتي مجهزه ثلاث اشياء مهمة وهي سيرة موجزه عنك مثل اسمك وعمرك ومكان سكنك ومؤهلك والوظيفة الي مقدمة عليها ومكان المدينة الي اخترتيه ، والشيء الثاني تكونين ماخذه فكره عامة عن الوظيفة الي مقدمه عليها مثلاً كاتبه ، تقولين ان مهام الكاتب القيام بالأعمال الإدارية والكتابية والقيام باعداد المخاطابات المراسلات وطباعة التعاميم و تنظيم السجلات وتدوين البيانات والمعلومات ... وغيرها من الأعمال المكتبية ، والشيء الثالث تكونين ماخذه فكرة عامة عن جهة العمل والي هي ديوان المظالم وتقدرين ترجعين للبوابة الالكترونية وتاخذين منها معلومات عامة
اختبار الحاسب مثل ماوضحت يكون برنامج فيه قطعة وانتي تكتبين هالقطعة ويحسبون لك عدد كلماتك بالدقيقة وكم خطأ عندك ويطلعون درجتك
بالنسبة للتعليم عن بعد مايدققون عليها لإن مالهم علاقة فيها وانتي لا تقولين لهم شيء
وان قبلوك وتوظفتي تكونين على المرتبة الرابعة بحكم شهادتك الثانوية ولاجات اختباراتك تجيبين جدولك ويعطونك اجازة وهم مايشوفون الدرب 