المشاركة الأصلية كتبت بواسطة دراسة مشاريع

السلام عليكم ..
انا من الناس الي فتح مغسله سيارات في محطه و سوبرماركت كبير تقريبا حق 5 محلات المهم بالاخير قبلت كل شي .. بالنسبه للبقاله متعبه جدا من ناحية البضاعه وعلى قولتك الي خربان والي غالي ووالخ والموزعين كلهم اجانب كانوا يسلخوني بالأسعار لأني سعودي وبالأخير يقولون لي أجر السوبر لنا ونحنا نشغله .. الخلاصه لقيت لي ابن حلال رجل كبير بالسن يمني له خبره وقبلته له وهو بطريقته ادار السوبرماركت وشغله ماشاء الله وصار يطلع اضعاف مضاعفه .. والسبب العماله كلهم جابهم من جنسيته واقاربه فما راح احد يضحك عليه وهو جالس عالكاشير من صبح الله الى اخر الليل والمقاضي هو بعد يديرها ..

بالنسبه للمغسله بعد ماجهزتها وجبت عمال طبعا من الشارع لان لو استقدمت راح يشردون في كلا الحالتين .. المهم مشاكل مع الزباين وايام يجون وايام مايبغوا يشتغلوا وايام يقولوا جيب لنا الغدا او العشى المهم لف ودوران واخرتها أجربتها عليهم وشغلوها زي الحلاوه .. بالأخير التعامل مع العماله متعععب والله يعينك وهذا واقع تجربتي ومعاد اطب بالتجاره ذي مره ثانيه