صباح الخييراات ..
ماشاء الله ..الف الف مبرووووك لجميع الصبااايا بهالتجمع اللي انقبلن نهائيا والله يبارك لكم فيما اعطاكم ويعطيكم خيرها ويكفيكم شرها ..وهالله هالله بالهمه العاليييه والعمل الجااد على تغيير مستوى اللغه للافضل وتحبيب الطالبات فيها ولا تخلون توجيهكم لمناطق او قرى بعيييده يتسبب في احباطكم او غيره وبالتالي ينعكس ع الطالبات ..صحيح الغربه شينه ولاتنطاق لكن اجعلي لك هدف لله انك تحببين اللغه للطالبات و تغيرين نظرتهن لها بانها لغة كفره وانها صعبه ووالخ طبعا هّي نظرة اكثرية الطالبات لها ..و لازم يكون هناك هدف سامي مثل نشر الدين و تحسين صورة الاسلام عند الاجانب و نبين انه هالشي مايصير الا لما نتعلم اللغه . ..يعني هدفنا الاول والاخير من تعلم اللغه هو لخدمة دين الله والدفاع عنه.. مع ذكر اهداف اخرى ...
طبعا حطي ببالك انك كلها فتره بتتغربين فيها وباذن الله تنقلين على خير لكن فكري وش بتكون بصمتك بالمدرسه اللي كنتي فيها .. هل بتدرسين فيها وتتطلعين وصلى الله وبارك ولاكانك كنتي فيها .. والا ما تبين الطالبات والاداره ويمكن اهل القريه بعد انهم يذكرونك بالخير اللي زرعتيه في نفوس بناتهم..صحيح التدريس مهنه شاقه لكن بالنهايه بيروح كل التعب لما نشووف نتيجه تغيير حلوه من الطالبات طبعا من كل النواحي من الناحيه الاخلاقيه والدراسيه والاجتماعيه ..وخلوا عملكم خاالص لوجه الله تعالى ..احرصووا ان تكون لدروس الانجليزي اهداف دينيه مع الاهداف الاخرى وخلوا الطالبات يطبقون اللي تقدرون علييه ..انا اشوف ان التدريس بالقرى حلوو لان الطالبات اقرب مايكونون على الفطره وفيهم براءه وبسرعه يتاثرون باللي تقوله المعلمه عكس بنات المدن المتفتحات والمتوفر حولهن كل شي الا من رحم ربي ..
الله يوفقكن ويسسد لكن وييسر بالخير دروبكن وفالكن التوفييق والنجاااح يااارب